| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៥. មាតាបុត្តសុត្តវណ្ណនា
5. Mātāputtasuttavaṇṇanā
៥៥. បញ្ចមេ វិស្សាសោតិ វិសច្ឆាយសន្តានោ ភាវោ។ ឱតារោតិ តត្ថ ចិត្តស្ស អនុប្បវេសោ។ គហេត្វាតិ អត្តនោ ឯវ ឱកាសំ គហេត្វា។ ខេបេត្វាតិ កុសលវារំ ខេបេត្វា។
55. Pañcame vissāsoti visacchāyasantāno bhāvo. Otāroti tattha cittassa anuppaveso. Gahetvāti attano eva okāsaṃ gahetvā. Khepetvāti kusalavāraṃ khepetvā.
ឃដ្ដេយ្យាតិ អក្កមនាទិវសេន ពាធេយ្យ។ តីហិ បរិញ្ញាហីតិ ញាតតីរណប្បហានសង្ខាតាហិ តីហិ បរិញ្ញាហិ។ នត្ថិ ឯតេសំ កុតោចិ ភយន្តិ អកុតោភយា, និព្ភយាតិ អត្ថោ។ ចតុន្នំ ឱឃានំ, សំសារមហោឃស្សេវ វា បារំ បរិយន្តំ គតា។ តេនាហ ‘‘បារំ វុច្ចតិ និព្ពាន’’ន្តិអាទិ។
Ghaṭṭeyyāti akkamanādivasena bādheyya. Tīhi pariññāhīti ñātatīraṇappahānasaṅkhātāhi tīhi pariññāhi. Natthi etesaṃ kutoci bhayanti akutobhayā, nibbhayāti attho. Catunnaṃ oghānaṃ, saṃsāramahoghasseva vā pāraṃ pariyantaṃ gatā. Tenāha ‘‘pāraṃ vuccati nibbāna’’ntiādi.
មាតាបុត្តសុត្តវណ្ណនា និដ្ឋិតា។
Mātāputtasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៥. មាតាបុត្តសុត្តំ • 5. Mātāputtasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៥. មាតាបុត្តសុត្តវណ្ណនា • 5. Mātāputtasuttavaṇṇanā
