| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
५. मातापुत्तसुत्तवण्णना
5. Mātāputtasuttavaṇṇanā
५५. पञ्चमे विस्सासोति विसच्छायसन्तानो भावो। ओतारोति तत्थ चित्तस्स अनुप्पवेसो। गहेत्वाति अत्तनो एव ओकासं गहेत्वा। खेपेत्वाति कुसलवारं खेपेत्वा।
55. Pañcame vissāsoti visacchāyasantāno bhāvo. Otāroti tattha cittassa anuppaveso. Gahetvāti attano eva okāsaṃ gahetvā. Khepetvāti kusalavāraṃ khepetvā.
घट्टेय्याति अक्कमनादिवसेन बाधेय्य। तीहि परिञ्ञाहीति ञाततीरणप्पहानसङ्खाताहि तीहि परिञ्ञाहि। नत्थि एतेसं कुतोचि भयन्ति अकुतोभया, निब्भयाति अत्थो। चतुन्नं ओघानं, संसारमहोघस्सेव वा पारं परियन्तं गता। तेनाह ‘‘पारं वुच्चति निब्बान’’न्तिआदि।
Ghaṭṭeyyāti akkamanādivasena bādheyya. Tīhi pariññāhīti ñātatīraṇappahānasaṅkhātāhi tīhi pariññāhi. Natthi etesaṃ kutoci bhayanti akutobhayā, nibbhayāti attho. Catunnaṃ oghānaṃ, saṃsāramahoghasseva vā pāraṃ pariyantaṃ gatā. Tenāha ‘‘pāraṃ vuccati nibbāna’’ntiādi.
मातापुत्तसुत्तवण्णना निट्ठिता।
Mātāputtasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ५. मातापुत्तसुत्तं • 5. Mātāputtasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ५. मातापुत्तसुत्तवण्णना • 5. Mātāputtasuttavaṇṇanā
