| Library / Tipiṭaka / තිපිටක • Tipiṭaka / චරියාපිටකපාළි • Cariyāpiṭakapāḷi |
7. මාතඞ්ගචරියා
7. Mātaṅgacariyā
60.
60.
‘‘පුනාපරං යදා හොමි, ජටිලො උග්ගතාපනො;
‘‘Punāparaṃ yadā homi, jaṭilo uggatāpano;
මාතඞ්ගො නාම නාමෙන, සීලවා සුසමාහිතො.
Mātaṅgo nāma nāmena, sīlavā susamāhito.
61.
61.
‘‘අහඤ්ච බ්රාහ්මණො එකො, ගඞ්ගාකූලෙ වසාමුභො;
‘‘Ahañca brāhmaṇo eko, gaṅgākūle vasāmubho;
අහං වසාමි උපරි, හෙට්ඨා වසති බ්රාහ්මණො.
Ahaṃ vasāmi upari, heṭṭhā vasati brāhmaṇo.
62.
62.
‘‘විචරන්තො අනුකූලම්හි, උද්ධං මෙ අස්සමද්දස;
‘‘Vicaranto anukūlamhi, uddhaṃ me assamaddasa;
තත්ථ මං පරිභාසෙත්වා, අභිසපි මුද්ධඵාලනං.
Tattha maṃ paribhāsetvā, abhisapi muddhaphālanaṃ.
63.
63.
‘‘යදිහං තස්ස පකුප්පෙය්යං, යදි සීලං න ගොපයෙ;
‘‘Yadihaṃ tassa pakuppeyyaṃ, yadi sīlaṃ na gopaye;
ඔලොකෙත්වානහං තස්ස, කරෙය්යං ඡාරිකං විය.
Oloketvānahaṃ tassa, kareyyaṃ chārikaṃ viya.
64.
64.
‘‘යං සො තදා මං අභිසපි, කුපිතො දුට්ඨමානසො;
‘‘Yaṃ so tadā maṃ abhisapi, kupito duṭṭhamānaso;
තස්සෙව මත්ථකෙ නිපති, යොගෙන තං පමොචයිං.
Tasseva matthake nipati, yogena taṃ pamocayiṃ.
65.
65.
‘‘අනුරක්ඛිං මම සීලං, නාරක්ඛිං මම ජීවිතං;
‘‘Anurakkhiṃ mama sīlaṃ, nārakkhiṃ mama jīvitaṃ;
සීලවා හි තදා ආසිං, බොධියායෙව කාරණා’’ති.
Sīlavā hi tadā āsiṃ, bodhiyāyeva kāraṇā’’ti.
මාතඞ්ගචරියං සත්තමං.
Mātaṅgacariyaṃ sattamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / චරියාපිටක-අට්ඨකථා • Cariyāpiṭaka-aṭṭhakathā / 7. මාතඞ්ගචරියාවණ්ණනා • 7. Mātaṅgacariyāvaṇṇanā
