| Library / Tipiṭaka / ತಿಪಿಟಕ • Tipiṭaka / ಚರಿಯಾಪಿಟಕಪಾಳಿ • Cariyāpiṭakapāḷi |
೭. ಮಾತಙ್ಗಚರಿಯಾ
7. Mātaṅgacariyā
೬೦.
60.
‘‘ಪುನಾಪರಂ ಯದಾ ಹೋಮಿ, ಜಟಿಲೋ ಉಗ್ಗತಾಪನೋ।
‘‘Punāparaṃ yadā homi, jaṭilo uggatāpano;
ಮಾತಙ್ಗೋ ನಾಮ ನಾಮೇನ, ಸೀಲವಾ ಸುಸಮಾಹಿತೋ॥
Mātaṅgo nāma nāmena, sīlavā susamāhito.
೬೧.
61.
‘‘ಅಹಞ್ಚ ಬ್ರಾಹ್ಮಣೋ ಏಕೋ, ಗಙ್ಗಾಕೂಲೇ ವಸಾಮುಭೋ।
‘‘Ahañca brāhmaṇo eko, gaṅgākūle vasāmubho;
ಅಹಂ ವಸಾಮಿ ಉಪರಿ, ಹೇಟ್ಠಾ ವಸತಿ ಬ್ರಾಹ್ಮಣೋ॥
Ahaṃ vasāmi upari, heṭṭhā vasati brāhmaṇo.
೬೨.
62.
‘‘ವಿಚರನ್ತೋ ಅನುಕೂಲಮ್ಹಿ, ಉದ್ಧಂ ಮೇ ಅಸ್ಸಮದ್ದಸ।
‘‘Vicaranto anukūlamhi, uddhaṃ me assamaddasa;
ತತ್ಥ ಮಂ ಪರಿಭಾಸೇತ್ವಾ, ಅಭಿಸಪಿ ಮುದ್ಧಫಾಲನಂ॥
Tattha maṃ paribhāsetvā, abhisapi muddhaphālanaṃ.
೬೩.
63.
‘‘ಯದಿಹಂ ತಸ್ಸ ಪಕುಪ್ಪೇಯ್ಯಂ, ಯದಿ ಸೀಲಂ ನ ಗೋಪಯೇ।
‘‘Yadihaṃ tassa pakuppeyyaṃ, yadi sīlaṃ na gopaye;
ಓಲೋಕೇತ್ವಾನಹಂ ತಸ್ಸ, ಕರೇಯ್ಯಂ ಛಾರಿಕಂ ವಿಯ॥
Oloketvānahaṃ tassa, kareyyaṃ chārikaṃ viya.
೬೪.
64.
‘‘ಯಂ ಸೋ ತದಾ ಮಂ ಅಭಿಸಪಿ, ಕುಪಿತೋ ದುಟ್ಠಮಾನಸೋ।
‘‘Yaṃ so tadā maṃ abhisapi, kupito duṭṭhamānaso;
ತಸ್ಸೇವ ಮತ್ಥಕೇ ನಿಪತಿ, ಯೋಗೇನ ತಂ ಪಮೋಚಯಿಂ॥
Tasseva matthake nipati, yogena taṃ pamocayiṃ.
೬೫.
65.
‘‘ಅನುರಕ್ಖಿಂ ಮಮ ಸೀಲಂ, ನಾರಕ್ಖಿಂ ಮಮ ಜೀವಿತಂ।
‘‘Anurakkhiṃ mama sīlaṃ, nārakkhiṃ mama jīvitaṃ;
ಸೀಲವಾ ಹಿ ತದಾ ಆಸಿಂ, ಬೋಧಿಯಾಯೇವ ಕಾರಣಾ’’ತಿ॥
Sīlavā hi tadā āsiṃ, bodhiyāyeva kāraṇā’’ti.
ಮಾತಙ್ಗಚರಿಯಂ ಸತ್ತಮಂ।
Mātaṅgacariyaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚರಿಯಾಪಿಟಕ-ಅಟ್ಠಕಥಾ • Cariyāpiṭaka-aṭṭhakathā / ೭. ಮಾತಙ್ಗಚರಿಯಾವಣ್ಣನಾ • 7. Mātaṅgacariyāvaṇṇanā
