| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
7. маад̇ан̇г̇ажарияаа
7. Mātaṅgacariyā
60.
60.
‘‘бунаабарам̣ яад̣̇аа хоми, ж̇адило уг̇г̇ад̇аабано;
‘‘Punāparaṃ yadā homi, jaṭilo uggatāpano;
маад̇ан̇г̇о наама наамзна, сийлаваа сусамаахид̇о.
Mātaṅgo nāma nāmena, sīlavā susamāhito.
61.
61.
‘‘ахан̃жа б̣раахман̣о зго, г̇ан̇г̇аагуулз васаамубхо;
‘‘Ahañca brāhmaṇo eko, gaṅgākūle vasāmubho;
ахам̣ васаами убари, хздтаа васад̇и б̣раахман̣о.
Ahaṃ vasāmi upari, heṭṭhā vasati brāhmaṇo.
62.
62.
‘‘вижаранд̇о анугууламхи, уд̣̇д̇хам̣ мз ассамад̣̇д̣̇аса;
‘‘Vicaranto anukūlamhi, uddhaṃ me assamaddasa;
д̇ад̇т̇а мам̣ барибхаасзд̇ваа, абхисаби муд̣̇д̇хапааланам̣.
Tattha maṃ paribhāsetvā, abhisapi muddhaphālanaṃ.
63.
63.
‘‘яад̣̇ихам̣ д̇асса багуббзяяам̣, яад̣̇и сийлам̣ на г̇обаяз;
‘‘Yadihaṃ tassa pakuppeyyaṃ, yadi sīlaṃ na gopaye;
ологзд̇ваанахам̣ д̇асса, гарзяяам̣ чааригам̣ вияа.
Oloketvānahaṃ tassa, kareyyaṃ chārikaṃ viya.
64.
64.
‘‘яам̣ со д̇ад̣̇аа мам̣ абхисаби, губид̇о д̣̇удтамаанасо;
‘‘Yaṃ so tadā maṃ abhisapi, kupito duṭṭhamānaso;
д̇ассзва мад̇т̇агз нибад̇и, яог̇зна д̇ам̣ баможаяим̣.
Tasseva matthake nipati, yogena taṃ pamocayiṃ.
65.
65.
‘‘анурагким̣ мама сийлам̣, наарагким̣ мама ж̇ийвид̇ам̣;
‘‘Anurakkhiṃ mama sīlaṃ, nārakkhiṃ mama jīvitaṃ;
сийлаваа хи д̇ад̣̇аа аасим̣, б̣од̇хияааязва гааран̣аа’’д̇и.
Sīlavā hi tadā āsiṃ, bodhiyāyeva kāraṇā’’ti.
маад̇ан̇г̇ажарияам̣ сад̇д̇амам̣.
Mātaṅgacariyaṃ sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 7. маад̇ан̇г̇ажарияааван̣н̣анаа • 7. Mātaṅgacariyāvaṇṇanā
