| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๒. ราธสํยุตฺตํ
2. Rādhasaṃyuttaṃ
๑. ปฐมวโคฺค
1. Paṭhamavaggo
๑. มารสุตฺตวณฺณนา
1. Mārasuttavaṇṇanā
๑๖๐. ราธสํยุตฺตสฺส ปฐเม มาโร วา อสฺสาติ มรณํ วา ภเวยฺยฯ มาเรตา วาติ มาเรตโพฺพ วาฯ โย วา ปน มียตีติ โย วา ปน มรติฯ นิพฺพิทตฺถนฺติ นิพฺพิทาญาณตฺถํฯ นิพฺพานตฺถาติ ผลวิมุตฺติ นาเมสา อนุปาทานิพฺพานตฺถาติ อโตฺถฯ อจฺจยาสีติ อติกฺกโนฺตสิฯ นิพฺพาโนคธนฺติ นิพฺพาเน ปติฎฺฐิตํฯ อิทํ มคฺคพฺรหฺมจริยํ นาม นิพฺพานพฺภนฺตเร วุสฺสติ, น นิพฺพานํ อติกฺกมิตฺวาติ อโตฺถฯ นิพฺพานปริโยสานนฺติ นิพฺพานํ อสฺส ปริโยสานํ, นิปฺผตฺติ นิฎฺฐาติ อโตฺถฯ ปฐมํฯ
160. Rādhasaṃyuttassa paṭhame māro vā assāti maraṇaṃ vā bhaveyya. Māretā vāti māretabbo vā. Yo vā pana mīyatīti yo vā pana marati. Nibbidatthanti nibbidāñāṇatthaṃ. Nibbānatthāti phalavimutti nāmesā anupādānibbānatthāti attho. Accayāsīti atikkantosi. Nibbānogadhanti nibbāne patiṭṭhitaṃ. Idaṃ maggabrahmacariyaṃ nāma nibbānabbhantare vussati, na nibbānaṃ atikkamitvāti attho. Nibbānapariyosānanti nibbānaṃ assa pariyosānaṃ, nipphatti niṭṭhāti attho. Paṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. มารสุตฺตํ • 1. Mārasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. มารสุตฺตวณฺณนา • 1. Mārasuttavaṇṇanā
