| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೧೦. ಮಾರಧೇಯ್ಯಸುತ್ತಂ
10. Māradheyyasuttaṃ
೫೯. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
59. Vuttañhetaṃ bhagavatā, vuttamarahatāti me sutaṃ –
‘‘ತೀಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಅತಿಕ್ಕಮ್ಮ ಮಾರಧೇಯ್ಯಂ ಆದಿಚ್ಚೋವ ವಿರೋಚತಿ। ಕತಮೇಹಿ ತೀಹಿ? ಇಧ, ಭಿಕ್ಖವೇ, ಭಿಕ್ಖು ಅಸೇಖೇನ ಸೀಲಕ್ಖನ್ಧೇನ ಸಮನ್ನಾಗತೋ ಹೋತಿ, ಅಸೇಖೇನ ಸಮಾಧಿಕ್ಖನ್ಧೇನ ಸಮನ್ನಾಗತೋ ಹೋತಿ, ಅಸೇಖೇನ ಪಞ್ಞಾಕ್ಖನ್ಧೇನ ಸಮನ್ನಾಗತೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಿ ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಅತಿಕ್ಕಮ್ಮ ಮಾರಧೇಯ್ಯಂ ಆದಿಚ್ಚೋವ ವಿರೋಚತೀ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Tīhi, bhikkhave, dhammehi samannāgato bhikkhu atikkamma māradheyyaṃ ādiccova virocati. Katamehi tīhi? Idha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti – imehi kho, bhikkhave, tīhi dhammehi samannāgato bhikkhu atikkamma māradheyyaṃ ādiccova virocatī’’ti. Etamatthaṃ bhagavā avoca. Tatthetaṃ iti vuccati –
‘‘ಸೀಲಂ ಸಮಾಧಿ ಪಞ್ಞಾ ಚ, ಯಸ್ಸ ಏತೇ ಸುಭಾವಿತಾ।
‘‘Sīlaṃ samādhi paññā ca, yassa ete subhāvitā;
ಅತಿಕ್ಕಮ್ಮ ಮಾರಧೇಯ್ಯಂ, ಆದಿಚ್ಚೋವ ವಿರೋಚತೀ’’ತಿ॥
Atikkamma māradheyyaṃ, ādiccova virocatī’’ti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ದಸಮಂ।
Ayampi attho vutto bhagavatā, iti me sutanti. Dasamaṃ.
ಪಠಮೋ ವಗ್ಗೋ ನಿಟ್ಠಿತೋ।
Paṭhamo vaggo niṭṭhito.
ತಸ್ಸುದ್ದಾನಂ –
Tassuddānaṃ –
ಮೂಲಧಾತು ಅಥ ವೇದನಾ ದುವೇ, ಏಸನಾ ಚ ದುವೇ ಆಸವಾ ದುವೇ।
Mūladhātu atha vedanā duve, esanā ca duve āsavā duve;
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೧೦. ಮಾರಧೇಯ್ಯಸುತ್ತವಣ್ಣನಾ • 10. Māradheyyasuttavaṇṇanā
