| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. မနောနိဝာရဏသုတ္တဝဏ္ဏနာ
4. Manonivāraṇasuttavaṇṇanā
၂၄. ဧဝံလဒ္ဓိကာတိ သဗ္ဗထာပိ စိတ္တုပ္ပတ္တိ သဒုက္ခာ, သဗ္ဗထာပိ အစိတ္တကဘာဝော သေယ္ယော, တသ္မာ ယတော ကုတောစိ စိတ္တံ နိဝာရေတဗ္ဗန္တိ ဧဝံဒိဋ္ဌိကာ ။ သောတိ သတ္တော။ အနိယ္ယာနိကကထံ ကထေတိ အယောနိသော စိတ္တနိဝာရဏံ ဝဒန္တီ။ သံယတဘာဝံ အာဂတန္တိ ရာဂဝိသေဝနာဒိတော သမ္မဒေဝ သံယတဘာဝံ ဩတရဘာဝံ။ ဓမ္မစရိယာဝသေန ဟိ ပဝတ္တမာနေ စိတ္တေ နတ္ထိ ဤသကမ္ပိ ရာဂာဒိဝိသေဝနံ, န တသ္သ သမ္ပတိ အာယတိဉ္စ ကောစိ အနတ္ထော သိယာ, တသ္မာ တံ မနော သဗ္ဗတော အနဝဇ္ဇဝုတ္တိတော န နိဝာရေတဗ္ဗံ။ တေနာဟ ‘‘ဒာနံ ဒသ္သာမီ’’တိအာဒိ။ ယတော ယတောတိ ယတော ယတော သာဝဇ္ဇဝုတ္တိတော အယောနိသောမနသိကာရတော။ တန္တိ မနော နိဝာရေတဗ္ဗံ အနတ္ထာဝဟတ္တာ။
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
မနောနိဝာရဏသုတ္တဝဏ္ဏနာ နိဋ္ဌိတာ။
Manonivāraṇasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. မနောနိဝာရဏသုတ္တံ • 4. Manonivāraṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. မနောနိဝာရဏသုတ္တဝဏ္ဏနာ • 4. Manonivāraṇasuttavaṇṇanā
