| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. মনোনিৰারণসুত্তৰণ্ণনা
4. Manonivāraṇasuttavaṇṇanā
২৪. এৰংলদ্ধিকাতি সব্বথাপি চিত্তুপ্পত্তি সদুক্খা, সব্বথাপি অচিত্তকভাৰো সেয্যো, তস্মা যতো কুতোচি চিত্তং নিৰারেতব্বন্তি এৰংদিট্ঠিকা । সোতি সত্তো। অনিয্যানিককথং কথেতি অযোনিসো চিত্তনিৰারণং ৰদন্তী। সংযতভাৰং আগতন্তি রাগৰিসেৰনাদিতো সম্মদেৰ সংযতভাৰং ওতরভাৰং। ধম্মচরিযাৰসেন হি পৰত্তমানে চিত্তে নত্থি ঈসকম্পি রাগাদিৰিসেৰনং, ন তস্স সম্পতি আযতিঞ্চ কোচি অনত্থো সিযা, তস্মা তং মনো সব্বতো অনৰজ্জৰুত্তিতো ন নিৰারেতব্বং। তেনাহ ‘‘দানং দস্সামী’’তিআদি। যতো যতোতি যতো যতো সাৰজ্জৰুত্তিতো অযোনিসোমনসিকারতো। তন্তি মনো নিৰারেতব্বং অনত্থাৰহত্তা।
24.Evaṃladdhikāti sabbathāpi cittuppatti sadukkhā, sabbathāpi acittakabhāvo seyyo, tasmā yato kutoci cittaṃ nivāretabbanti evaṃdiṭṭhikā . Soti satto. Aniyyānikakathaṃ katheti ayoniso cittanivāraṇaṃ vadantī. Saṃyatabhāvaṃ āgatanti rāgavisevanādito sammadeva saṃyatabhāvaṃ otarabhāvaṃ. Dhammacariyāvasena hi pavattamāne citte natthi īsakampi rāgādivisevanaṃ, na tassa sampati āyatiñca koci anattho siyā, tasmā taṃ mano sabbato anavajjavuttito na nivāretabbaṃ. Tenāha ‘‘dānaṃ dassāmī’’tiādi. Yato yatoti yato yato sāvajjavuttito ayonisomanasikārato. Tanti mano nivāretabbaṃ anatthāvahattā.
মনোনিৰারণসুত্তৰণ্ণনা নিট্ঠিতা।
Manonivāraṇasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. মনোনিৰারণসুত্তং • 4. Manonivāraṇasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. মনোনিৰারণসুত্তৰণ্ণনা • 4. Manonivāraṇasuttavaṇṇanā
