| Library / Tipiṭaka / တိပိဋက • Tipiṭaka / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā |
မနောကမ္မဒ္ဝာရကထာဝဏ္ဏနာ
Manokammadvārakathāvaṇṇanā
အယံ နာမ စေတနာ ကမ္မံ န ဟောတီတိ န ဝတ္တဗ္ဗာတိ ဣဒံ ယသ္သ ဒ္ဝာရံ မနော, တံဒသ္သနတ္ထံ ဝုတ္တံ။ ကပ္ပေတီတိ ‘‘တ္ဝံ ဖုသနံ ကရောဟိ, တ္ဝံ ဝေဒယိတ’’န္တိ ဧဝံ ကပ္ပေန္တံ ဝိယ ပဝတ္တတီတိ အတ္ထော။ ပကပ္ပနဉ္စ တဒေဝ။ ကိံ ပိဏ္ဍံ ကရောတီတိ အာယူဟနတ္ထဝသေန ပုစ္ဆတိ။ ဖသ္သာဒိဓမ္မေ ဟိ အဝိပ္ပကိဏ္ဏေ ကတ္ဝာ သကိစ္စေသု ပဝတ္တနံ အာယူဟနံ, တတ္ထေဝ ဗ္ယာပာရဏံ စေတယနံ, တထာကရဏံ အဘိသင္ခရဏန္တိ။ တေဘူမကသ္သေဝ ဂဟဏံ လောကုတ္တရကမ္မသ္သ ကမ္မက္ခယကရတ္တာ။
Ayaṃ nāma cetanā kammaṃ na hotīti na vattabbāti idaṃ yassa dvāraṃ mano, taṃdassanatthaṃ vuttaṃ. Kappetīti ‘‘tvaṃ phusanaṃ karohi, tvaṃ vedayita’’nti evaṃ kappentaṃ viya pavattatīti attho. Pakappanañca tadeva. Kiṃ piṇḍaṃ karotīti āyūhanatthavasena pucchati. Phassādidhamme hi avippakiṇṇe katvā sakiccesu pavattanaṃ āyūhanaṃ, tattheva byāpāraṇaṃ cetayanaṃ, tathākaraṇaṃ abhisaṅkharaṇanti. Tebhūmakasseva gahaṇaṃ lokuttarakammassa kammakkhayakarattā.
မနောကမ္မဒ္ဝာရကထာဝဏ္ဏနာ နိဋ္ဌိတာ။
Manokammadvārakathāvaṇṇanā niṭṭhitā.
Related texts:
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / မနောကမ္မဒ္ဝာရကထာဝဏ္ဏနာ • Manokammadvārakathāvaṇṇanā
