| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. මඤ්ජරිපූජකත්ථෙරඅපදානං
7. Mañjaripūjakattheraapadānaṃ
23.
23.
‘‘මඤ්ජරිකං කරිත්වාන, රථියං පටිපජ්ජහං;
‘‘Mañjarikaṃ karitvāna, rathiyaṃ paṭipajjahaṃ;
අද්දසං සමණානග්ගං, භික්ඛුසඞ්ඝපුරක්ඛතං.
Addasaṃ samaṇānaggaṃ, bhikkhusaṅghapurakkhataṃ.
24.
24.
‘‘පසන්නචිත්තො සුමනො, පරමාය ච පීතියා;
‘‘Pasannacitto sumano, paramāya ca pītiyā;
උභො හත්ථෙහි පග්ගය්හ, බුද්ධස්ස අභිරොපයිං.
Ubho hatthehi paggayha, buddhassa abhiropayiṃ.
25.
25.
‘‘ද්වෙනවුතෙ ඉතො කප්පෙ, යං පුප්ඵමභිපූජයිං;
‘‘Dvenavute ito kappe, yaṃ pupphamabhipūjayiṃ;
දුග්ගතිං නාභිජානාමි, පුප්ඵපූජායිදං ඵලං.
Duggatiṃ nābhijānāmi, pupphapūjāyidaṃ phalaṃ.
26.
26.
‘‘ඉතො තෙසත්තතිකප්පෙ, එකො ආසිං මහීපති;
‘‘Ito tesattatikappe, eko āsiṃ mahīpati;
ජොතියො නාම නාමෙන, චක්කවත්තී මහබ්බලො.
Jotiyo nāma nāmena, cakkavattī mahabbalo.
27.
27.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මඤ්ජරිපූජකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā mañjaripūjako thero imā gāthāyo abhāsitthāti.
මඤ්ජරිපූජකත්ථෙරස්සාපදානං සත්තමං.
Mañjaripūjakattherassāpadānaṃ sattamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 1-10. ථොමකත්ථෙරඅපදානාදිවණ්ණනා • 1-10. Thomakattheraapadānādivaṇṇanā
