| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಮಞ್ಜರಿಪೂಜಕತ್ಥೇರಅಪದಾನಂ
7. Mañjaripūjakattheraapadānaṃ
೨೩.
23.
‘‘ಮಞ್ಜರಿಕಂ ಕರಿತ್ವಾನ, ರಥಿಯಂ ಪಟಿಪಜ್ಜಹಂ।
‘‘Mañjarikaṃ karitvāna, rathiyaṃ paṭipajjahaṃ;
ಅದ್ದಸಂ ಸಮಣಾನಗ್ಗಂ, ಭಿಕ್ಖುಸಙ್ಘಪುರಕ್ಖತಂ॥
Addasaṃ samaṇānaggaṃ, bhikkhusaṅghapurakkhataṃ.
೨೪.
24.
‘‘ಪಸನ್ನಚಿತ್ತೋ ಸುಮನೋ, ಪರಮಾಯ ಚ ಪೀತಿಯಾ।
‘‘Pasannacitto sumano, paramāya ca pītiyā;
ಉಭೋ ಹತ್ಥೇಹಿ ಪಗ್ಗಯ್ಹ, ಬುದ್ಧಸ್ಸ ಅಭಿರೋಪಯಿಂ॥
Ubho hatthehi paggayha, buddhassa abhiropayiṃ.
೨೫.
25.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Dvenavute ito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫಪೂಜಾಯಿದಂ ಫಲಂ॥
Duggatiṃ nābhijānāmi, pupphapūjāyidaṃ phalaṃ.
೨೬.
26.
‘‘ಇತೋ ತೇಸತ್ತತಿಕಪ್ಪೇ, ಏಕೋ ಆಸಿಂ ಮಹೀಪತಿ।
‘‘Ito tesattatikappe, eko āsiṃ mahīpati;
ಜೋತಿಯೋ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ॥
Jotiyo nāma nāmena, cakkavattī mahabbalo.
೨೭.
27.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಮಞ್ಜರಿಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā mañjaripūjako thero imā gāthāyo abhāsitthāti.
ಮಞ್ಜರಿಪೂಜಕತ್ಥೇರಸ್ಸಾಪದಾನಂ ಸತ್ತಮಂ।
Mañjaripūjakattherassāpadānaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಥೋಮಕತ್ಥೇರಅಪದಾನಾದಿವಣ್ಣನಾ • 1-10. Thomakattheraapadānādivaṇṇanā
