| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৭. মঞ্জরিপূজকত্থেরঅপদানং
7. Mañjaripūjakattheraapadānaṃ
২৩.
23.
‘‘মঞ্জরিকং করিত্ৰান, রথিযং পটিপজ্জহং।
‘‘Mañjarikaṃ karitvāna, rathiyaṃ paṭipajjahaṃ;
অদ্দসং সমণানগ্গং, ভিক্খুসঙ্ঘপুরক্খতং॥
Addasaṃ samaṇānaggaṃ, bhikkhusaṅghapurakkhataṃ.
২৪.
24.
‘‘পসন্নচিত্তো সুমনো, পরমায চ পীতিযা।
‘‘Pasannacitto sumano, paramāya ca pītiyā;
উভো হত্থেহি পগ্গয্হ, বুদ্ধস্স অভিরোপযিং॥
Ubho hatthehi paggayha, buddhassa abhiropayiṃ.
২৫.
25.
‘‘দ্ৰেনৰুতে ইতো কপ্পে, যং পুপ্ফমভিপূজযিং।
‘‘Dvenavute ito kappe, yaṃ pupphamabhipūjayiṃ;
দুগ্গতিং নাভিজানামি, পুপ্ফপূজাযিদং ফলং॥
Duggatiṃ nābhijānāmi, pupphapūjāyidaṃ phalaṃ.
২৬.
26.
‘‘ইতো তেসত্ততিকপ্পে, একো আসিং মহীপতি।
‘‘Ito tesattatikappe, eko āsiṃ mahīpati;
জোতিযো নাম নামেন, চক্কৰত্তী মহব্বলো॥
Jotiyo nāma nāmena, cakkavattī mahabbalo.
২৭.
27.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা মঞ্জরিপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā mañjaripūjako thero imā gāthāyo abhāsitthāti.
মঞ্জরিপূজকত্থেরস্সাপদানং সত্তমং।
Mañjaripūjakattherassāpadānaṃ sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১-১০. থোমকত্থেরঅপদানাদিৰণ্ণনা • 1-10. Thomakattheraapadānādivaṇṇanā
