| Library / Tipiṭaka / ཏིཔིཊཀ • Tipiṭaka / ཝིམཱནཝཏྠུཔཱལི༹ • Vimānavatthupāḷi |
༣. མཎིཐཱུཎཝིམཱནཝཏྠུ
3. Maṇithūṇavimānavatthu
༡༡༢༦.
1126.
‘‘ཨུཙྩམིདཾ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི།
‘‘Uccamidaṃ maṇithūṇaṃ vimānaṃ, samantato dvādasa yojanāni;
ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ༎
Kūṭāgārā sattasatā uḷārā, veḷuriyathambhā rucakatthatā subhā.
༡༡༢༧.
1127.
‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ།
‘‘Tatthacchasi pivasi khādasi ca, dibbā ca vīṇā pavadanti vagguṃ;
དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ༎
Dibbā rasā kāmaguṇettha pañca, nāriyo ca naccanti suvaṇṇachannā.
༡༡༢༨.
1128.
‘‘ཀེན ཏེཏཱདིསོ ཝཎྞོ…པེ॰…ཝཎྞོ ཙ ཏེ སབྦདིསཱ པབྷཱསཏཱི’’ཏི༎
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
༡༡༣༠.
1130.
སོ དེཝཔུཏྟོ ཨཏྟམནོ…པེ॰…ཡསྶ ཀམྨསྶིདཾ ཕལཾ༎
So devaputto attamano…pe…yassa kammassidaṃ phalaṃ.
༡༡༣༡.
1131.
‘‘ཨཧཾ མནུསྶེསུ མནུསྶབྷཱུཏོ, ཝིཝནེ པཐེ སངྐམནཾ 1 ཨཀཱསིཾ།
‘‘Ahaṃ manussesu manussabhūto, vivane pathe saṅkamanaṃ 2 akāsiṃ;
ཨཱརཱམརུཀྑཱནི ཙ རོཔཡིསྶཾ, པིཡཱ ཙ མེ སཱིལཝནྟོ ཨཧེསུཾ།
Ārāmarukkhāni ca ropayissaṃ, piyā ca me sīlavanto ahesuṃ;
ཨནྣཉྩ པཱནཉྩ པསནྣཙིཏྟོ, སཀྐཙྩ དཱནཾ ཝིཔུལཾ ཨདཱསིཾ༎
Annañca pānañca pasannacitto, sakkacca dānaṃ vipulaṃ adāsiṃ.
༡༡༣༢.
1132.
‘‘ཏེན མེཏཱདིསོ ཝཎྞོ…པེ॰… ཝཎྞོ ཙ མེ སབྦདིསཱ པབྷཱསཏཱི’’ཏི༎
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
མཎིཐཱུཎཝིམཱནཾ ཏཏིཡཾ།
Maṇithūṇavimānaṃ tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཝིམཱནཝཏྠུ-ཨཊྛཀཐཱ • Vimānavatthu-aṭṭhakathā / ༣. མཎིཐཱུཎཝིམཱནཝཎྞནཱ • 3. Maṇithūṇavimānavaṇṇanā
