| Library / Tipiṭaka / တိပိဋက • Tipiṭaka / ဝိမာနဝတ္ထုပာဠိ • Vimānavatthupāḷi |
၃. မဏိထူဏဝိမာနဝတ္ထု
3. Maṇithūṇavimānavatthu
၁၁၂၆.
1126.
‘‘ဥစ္စမိဒံ မဏိထူဏံ ဝိမာနံ၊ သမန္တတော ဒ္ဝာဒသ ယောဇနာနိ။
‘‘Uccamidaṃ maṇithūṇaṃ vimānaṃ, samantato dvādasa yojanāni;
ကူဋာဂာရာ သတ္တသတာ ဥဠာရာ၊ ဝေဠုရိယထမ္ဘာ ရုစကတ္ထတာ သုဘာ။
Kūṭāgārā sattasatā uḷārā, veḷuriyathambhā rucakatthatā subhā.
၁၁၂၇.
1127.
‘‘တတ္ထစ္ဆသိ ပိဝသိ ခာဒသိ စ၊ ဒိဗ္ဗာ စ ဝီဏာ ပဝဒန္တိ ဝဂ္ဂုံ။
‘‘Tatthacchasi pivasi khādasi ca, dibbā ca vīṇā pavadanti vagguṃ;
ဒိဗ္ဗာ ရသာ ကာမဂုဏေတ္ထ ပဉ္စ၊ နာရိယော စ နစ္စန္တိ သုဝဏ္ဏဆန္နာ။
Dibbā rasā kāmaguṇettha pañca, nāriyo ca naccanti suvaṇṇachannā.
၁၁၂၈.
1128.
‘‘ကေန တေတာဒိသော ဝဏ္ဏော။ပေ.။ဝဏ္ဏော စ တေ သဗ္ဗဒိသာ ပဘာသတီ’’တိ။
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
၁၁၃၀.
1130.
သော ဒေဝပုတ္တော အတ္တမနော။ပေ.။ယသ္သ ကမ္မသ္သိဒံ ဖလံ။
So devaputto attamano…pe…yassa kammassidaṃ phalaṃ.
၁၁၃၁.
1131.
‘‘အဟံ မနုသ္သေသု မနုသ္သဘူတော၊ ဝိဝနေ ပထေ သင္ကမနံ 1 အကာသိံ။
‘‘Ahaṃ manussesu manussabhūto, vivane pathe saṅkamanaṃ 2 akāsiṃ;
အာရာမရုက္ခာနိ စ ရောပယိသ္သံ၊ ပိယာ စ မေ သီလဝန္တော အဟေသုံ။
Ārāmarukkhāni ca ropayissaṃ, piyā ca me sīlavanto ahesuṃ;
အန္နဉ္စ ပာနဉ္စ ပသန္နစိတ္တော၊ သက္ကစ္စ ဒာနံ ဝိပုလံ အဒာသိံ။
Annañca pānañca pasannacitto, sakkacca dānaṃ vipulaṃ adāsiṃ.
၁၁၃၂.
1132.
‘‘တေန မေတာဒိသော ဝဏ္ဏော။ပေ.။ ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
မဏိထူဏဝိမာနံ တတိယံ။
Maṇithūṇavimānaṃ tatiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဝိမာနဝတ္ထု-အဋ္ဌကထာ • Vimānavatthu-aṭṭhakathā / ၃. မဏိထူဏဝိမာနဝဏ္ဏနာ • 3. Maṇithūṇavimānavaṇṇanā
