| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. மணிபூஜகத்தே²ரஅபதா³னங்
2. Maṇipūjakattheraapadānaṃ
8.
8.
‘‘பது³முத்தரோ நாம ஜினோ, ஸப்³ப³த⁴ம்மான பாரகூ³;
‘‘Padumuttaro nāma jino, sabbadhammāna pāragū;
விவேககாமோ ஸம்பு³த்³தோ⁴, க³ச்ச²தே அனிலஞ்ஜஸே.
Vivekakāmo sambuddho, gacchate anilañjase.
9.
9.
‘‘அவிதூ³ரே ஹிமவந்தஸ்ஸ, மஹாஜாதஸ்ஸரோ அஹு;
‘‘Avidūre himavantassa, mahājātassaro ahu;
தத்த² மே ப⁴வனங் ஆஸி, புஞ்ஞகம்மேன ஸங்யுதங்.
Tattha me bhavanaṃ āsi, puññakammena saṃyutaṃ.
10.
10.
‘‘ப⁴வனா அபி⁴னிக்க²ம்ம, அத்³த³ஸங் லோகனாயகங்;
‘‘Bhavanā abhinikkhamma, addasaṃ lokanāyakaṃ;
இந்தீ³வரங்வ ஜலிதங், ஆதி³த்தங்வ ஹுதாஸனங்.
Indīvaraṃva jalitaṃ, ādittaṃva hutāsanaṃ.
11.
11.
‘‘விசினங் நத்³த³ஸங் புப்ப²ங், பூஜயிஸ்ஸந்தி நாயகங்;
‘‘Vicinaṃ naddasaṃ pupphaṃ, pūjayissanti nāyakaṃ;
ஸகங் சித்தங் பஸாதெ³த்வா, அவந்தி³ங் ஸத்து²னோ அஹங்.
Sakaṃ cittaṃ pasādetvā, avandiṃ satthuno ahaṃ.
12.
12.
‘‘மம ஸீஸே மணிங் க³ய்ஹ, பூஜயிங் லோகனாயகங்;
‘‘Mama sīse maṇiṃ gayha, pūjayiṃ lokanāyakaṃ;
இமாய மணிபூஜாய, விபாகோ ஹோது ப⁴த்³த³கோ.
Imāya maṇipūjāya, vipāko hotu bhaddako.
13.
13.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
அந்தலிக்கே² டி²தோ ஸத்தா², இமங் கா³த²ங் அபா⁴ஸத².
Antalikkhe ṭhito satthā, imaṃ gāthaṃ abhāsatha.
14.
14.
‘ஸோ தே இஜ்ஜ²து ஸங்கப்போ, லப⁴ஸ்ஸு விபுலங் ஸுக²ங்;
‘So te ijjhatu saṅkappo, labhassu vipulaṃ sukhaṃ;
இமாய மணிபூஜாய, அனுபோ⁴ஹி மஹாயஸங்’.
Imāya maṇipūjāya, anubhohi mahāyasaṃ’.
15.
15.
‘‘இத³ங் வத்வான ப⁴க³வா, ஜலஜுத்தமனாமகோ;
‘‘Idaṃ vatvāna bhagavā, jalajuttamanāmako;
அக³மாஸி பு³த்³த⁴ஸெட்டோ², யத்த² சித்தங் பணீஹிதங்.
Agamāsi buddhaseṭṭho, yattha cittaṃ paṇīhitaṃ.
16.
16.
‘‘ஸட்டி²கப்பானி தே³விந்தோ³, தே³வரஜ்ஜமகாரயிங்;
‘‘Saṭṭhikappāni devindo, devarajjamakārayiṃ;
அனேகஸதக்க²த்துஞ்ச, சக்கவத்தீ அஹோஸஹங்.
Anekasatakkhattuñca, cakkavattī ahosahaṃ.
17.
17.
‘‘புப்³ப³கம்மங் ஸரந்தஸ்ஸ, தே³வபூ⁴தஸ்ஸ மே ஸதோ;
‘‘Pubbakammaṃ sarantassa, devabhūtassa me sato;
மணி நிப்³ப³த்ததே மய்ஹங், ஆலோககரணோ மமங்.
Maṇi nibbattate mayhaṃ, ālokakaraṇo mamaṃ.
18.
18.
‘‘ச²ளஸீதிஸஹஸ்ஸானி, நாரியோ மே பரிக்³க³ஹா;
‘‘Chaḷasītisahassāni, nāriyo me pariggahā;
19.
19.
‘‘அளாரபம்ஹா ஹஸுலா, ஸுஸஞ்ஞா தனுமஜ்ஜி²மா;
‘‘Aḷārapamhā hasulā, susaññā tanumajjhimā;
பரிவாரெந்தி மங் நிச்சங், மணிபூஜாயித³ங் ப²லங்.
Parivārenti maṃ niccaṃ, maṇipūjāyidaṃ phalaṃ.
20.
20.
‘‘ஸொண்ணமயா மணிமயா, லோஹிதங்க³மயா ததா²;
‘‘Soṇṇamayā maṇimayā, lohitaṅgamayā tathā;
21.
21.
‘‘கூடாகா³ரா க³ஹாரம்மா, ஸயனஞ்ச மஹாரஹங்;
‘‘Kūṭāgārā gahārammā, sayanañca mahārahaṃ;
மம ஸங்கப்பமஞ்ஞாய, நிப்³ப³த்தந்தி யதி³ச்ச²கங்.
Mama saṅkappamaññāya, nibbattanti yadicchakaṃ.
22.
22.
‘‘லாபா⁴ தேஸங் ஸுலத்³த⁴ஞ்ச, யே லப⁴ந்தி உபஸ்ஸுதிங்;
‘‘Lābhā tesaṃ suladdhañca, ye labhanti upassutiṃ;
புஞ்ஞக்கெ²த்தங் மனுஸ்ஸானங், ஓஸத⁴ங் ஸப்³ப³பாணினங்.
Puññakkhettaṃ manussānaṃ, osadhaṃ sabbapāṇinaṃ.
23.
23.
‘‘மய்ஹம்பி ஸுகதங் கம்மங், யோஹங் அத³க்கி² நாயகங்;
‘‘Mayhampi sukataṃ kammaṃ, yohaṃ adakkhi nāyakaṃ;
வினிபாதா பமுத்தொம்ஹி, பத்தொம்ஹி அசலங் பத³ங்.
Vinipātā pamuttomhi, pattomhi acalaṃ padaṃ.
24.
24.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
25.
25.
‘‘தாயேவ மணிபூஜாய, அனுபொ⁴த்வான ஸம்பதா³;
‘‘Tāyeva maṇipūjāya, anubhotvāna sampadā;
ஞாணாலோகோ மயா தி³ட்டோ², பத்தொம்ஹி அசலங் பத³ங்.
Ñāṇāloko mayā diṭṭho, pattomhi acalaṃ padaṃ.
26.
26.
‘‘ஸதஸஹஸ்ஸிதோ கப்பே, யங் மணிங் அபி⁴பூஜயிங்;
‘‘Satasahassito kappe, yaṃ maṇiṃ abhipūjayiṃ;
து³க்³க³திங் நாபி⁴ஜானாமி, மணிபூஜாயித³ங் ப²லங்.
Duggatiṃ nābhijānāmi, maṇipūjāyidaṃ phalaṃ.
27.
27.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
28.
28.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
29.
29.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா மணிபூஜகோ தே²ரோ இமா கா³தா²யோ
Itthaṃ sudaṃ āyasmā maṇipūjako thero imā gāthāyo
அபா⁴ஸித்தா²தி.
Abhāsitthāti.
மணிபூஜகத்தே²ரஸ்ஸாபதா³னங் து³தியங்.
Maṇipūjakattherassāpadānaṃ dutiyaṃ.
Footnotes:
