| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३७. मन्दारवपुप्फियवग्गो
37. Mandāravapupphiyavaggo
१. मन्दारवपुप्फियत्थेरअपदानं
1. Mandāravapupphiyattheraapadānaṃ
१.
1.
‘‘तावतिंसा इधागन्त्वा, मङ्गलो नाम माणवो।
‘‘Tāvatiṃsā idhāgantvā, maṅgalo nāma māṇavo;
मन्दारवं गहेत्वान, विपस्सिस्स महेसिनो॥
Mandāravaṃ gahetvāna, vipassissa mahesino.
२.
2.
‘‘समाधिना निसिन्नस्स, मत्थके धारयिं अहं।
‘‘Samādhinā nisinnassa, matthake dhārayiṃ ahaṃ;
सत्ताहं धारयित्वान, देवलोकं पुनागमिं॥
Sattāhaṃ dhārayitvāna, devalokaṃ punāgamiṃ.
३.
3.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
४.
4.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा मन्दारवपुप्फियो थेरो इमा गाथायो अभासित्थाति।
Itthaṃ sudaṃ āyasmā mandāravapupphiyo thero imā gāthāyo abhāsitthāti.
मन्दारवपुप्फियत्थेरस्सापदानं पठमं।
Mandāravapupphiyattherassāpadānaṃ paṭhamaṃ.
