| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൫. മന്ദാരവപുപ്ഫപൂജകത്ഥേരഅപദാനം
5. Mandāravapupphapūjakattheraapadānaṃ
൨൫.
25.
‘‘ദേവപുത്തോ അഹം സന്തോ, പൂജയിം സിഖിനായകം;
‘‘Devaputto ahaṃ santo, pūjayiṃ sikhināyakaṃ;
മന്ദാരവേന പുപ്ഫേന, ബുദ്ധസ്സ അഭിരോപയിം.
Mandāravena pupphena, buddhassa abhiropayiṃ.
൨൬.
26.
‘‘സത്താഹം ഛദനം ആസി, ദിബ്ബം മാലം തഥാഗതേ;
‘‘Sattāhaṃ chadanaṃ āsi, dibbaṃ mālaṃ tathāgate;
സബ്ബേ ജനാ സമാഗന്ത്വാ, നമസ്സിംസു തഥാഗതം.
Sabbe janā samāgantvā, namassiṃsu tathāgataṃ.
൨൭.
27.
‘‘ഏകത്തിംസേ ഇതോ കപ്പേ, യം പുപ്ഫമഭിപൂജയിം;
‘‘Ekattiṃse ito kappe, yaṃ pupphamabhipūjayiṃ;
ദുഗ്ഗതിം നാഭിജാനാമി, ബുദ്ധപൂജായിദം ഫലം.
Duggatiṃ nābhijānāmi, buddhapūjāyidaṃ phalaṃ.
൨൮.
28.
‘‘ഇതോ ച ദസമേ കപ്പേ, രാജാഹോസിം ജുതിന്ധരോ;
‘‘Ito ca dasame kappe, rājāhosiṃ jutindharo;
സത്തരതനസമ്പന്നോ, ചക്കവത്തീ മഹബ്ബലോ.
Sattaratanasampanno, cakkavattī mahabbalo.
൨൯.
29.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ മന്ദാരവപുപ്ഫപൂജകോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
മന്ദാരവപുപ്ഫപൂജകത്ഥേരസ്സാപദാനം പഞ്ചമം.
Mandāravapupphapūjakattherassāpadānaṃ pañcamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൫. മന്ദാരവപുപ്ഫപൂജകത്ഥേരഅപദാനവണ്ണനാ • 5. Mandāravapupphapūjakattheraapadānavaṇṇanā
