| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༥. མཉྩཔཱིཋསིཀྑཱཔདཝཎྞནཱ
5. Mañcapīṭhasikkhāpadavaṇṇanā
ཨཊྛངྒུལཔཱདཀནྟི བྷཱཝནཔུཾསཀནིདྡེསོ། ‘‘ཚེདནཀཾ བྷེདནཀསདིསམེཝཱ’’ཏི ཨིམིནཱ ‘‘ཚེདནམེཝ ཚེདནཀཾ, ཏཾ ཨསྶ ཨཏྠཱིཏི ཚེདནཀ’’ནྟི ཨིམམཏྠཾ ཨཏིདིསཏི།
Aṭṭhaṅgulapādakanti bhāvanapuṃsakaniddeso. ‘‘Chedanakaṃ bhedanakasadisamevā’’ti iminā ‘‘chedanameva chedanakaṃ, taṃ assa atthīti chedanaka’’nti imamatthaṃ atidisati.
ཡཐཱ པམཱཎམེཝ ཨུཔརི དིསྶཏི, ཨེཝཾ ནིཁཎིཏྭཱ ཝཱཏི སཙེ པན ན ཚིནྡིཏུཀཱམོ ཧོཏི, ཡཐཱ པམཱཎམེཝ ཨུཔརི དིསྶཏི, ཨེཝཾ བྷཱུམིཡཾ ནིཁཎིཏྭཱ ཝཱ། ཨཊྚཀཾ ཝཱ བནྡྷིཏྭཱཏི ཨུཀྑིཔིཏྭཱ ཏུལཱསངྒྷཱཏེ ཋཔེཏྭཱ ཨཊྚཾ ཀཏྭཱ།
Yathā pamāṇameva upari dissati, evaṃ nikhaṇitvā vāti sace pana na chinditukāmo hoti, yathā pamāṇameva upari dissati, evaṃ bhūmiyaṃ nikhaṇitvā vā. Aṭṭakaṃ vā bandhitvāti ukkhipitvā tulāsaṅghāte ṭhapetvā aṭṭaṃ katvā.
མཉྩཔཱིཋསིཀྑཱཔདཝཎྞནཱ ནིཊྛིཏཱ།
Mañcapīṭhasikkhāpadavaṇṇanā niṭṭhitā.
