| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៥. មញ្ចបីឋសិក្ខាបទវណ្ណនា
5. Mañcapīṭhasikkhāpadavaṇṇanā
៥២១. បញ្ចមេ បាឡិយំ អាសយតោ, ភិក្ខវេ, មោឃបុរិសោ វេទិតព្ពោតិ ហីនជ្ឈាសយវសេន អយំ តុច្ឆបុរិសោតិ ញាតព្ពោ, ហីនាយ បច្ចយេ លោលតាយ បុគ្គលស្ស តុច្ឆតា ញាតព្ពាតិ អធិប្បាយោ។ ឥមស្មិំ សិក្ខាបទេ, ឥតោ បរេសុ ច បញ្ចសុ អត្តនា ការាបិតស្ស បដិលាភេ ឯវ បាចិត្តិយំ។ បរិភោគេ បនស្ស, អញ្ញេសញ្ច ទុក្កដមេវ។ បមាណាតិក្កន្តមញ្ចបីឋតា, អត្តនោ ករណការាបនវសេន បដិលាភោតិ ទ្វេ អង្គានិ។
521. Pañcame pāḷiyaṃ āsayato, bhikkhave, moghapuriso veditabboti hīnajjhāsayavasena ayaṃ tucchapurisoti ñātabbo, hīnāya paccaye lolatāya puggalassa tucchatā ñātabbāti adhippāyo. Imasmiṃ sikkhāpade, ito paresu ca pañcasu attanā kārāpitassa paṭilābhe eva pācittiyaṃ. Paribhoge panassa, aññesañca dukkaṭameva. Pamāṇātikkantamañcapīṭhatā, attano karaṇakārāpanavasena paṭilābhoti dve aṅgāni.
មញ្ចបីឋសិក្ខាបទវណ្ណនា និដ្ឋិតា។
Mañcapīṭhasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៩. រតនវគ្គោ • 9. Ratanavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៥. មញ្ចសិក្ខាបទវណ្ណនា • 5. Mañcasikkhāpadavaṇṇanā
