| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
५. मञ्चपीठसिक्खापदवण्णना
5. Mañcapīṭhasikkhāpadavaṇṇanā
अट्ठङ्गुलपादकन्ति भावनपुंसकनिद्देसो। ‘‘छेदनकं भेदनकसदिसमेवा’’ति इमिना ‘‘छेदनमेव छेदनकं, तं अस्स अत्थीति छेदनक’’न्ति इममत्थं अतिदिसति।
Aṭṭhaṅgulapādakanti bhāvanapuṃsakaniddeso. ‘‘Chedanakaṃ bhedanakasadisamevā’’ti iminā ‘‘chedanameva chedanakaṃ, taṃ assa atthīti chedanaka’’nti imamatthaṃ atidisati.
यथा पमाणमेव उपरि दिस्सति, एवं निखणित्वा वाति सचे पन न छिन्दितुकामो होति, यथा पमाणमेव उपरि दिस्सति, एवं भूमियं निखणित्वा वा। अट्टकं वा बन्धित्वाति उक्खिपित्वा तुलासङ्घाते ठपेत्वा अट्टं कत्वा।
Yathā pamāṇameva upari dissati, evaṃ nikhaṇitvā vāti sace pana na chinditukāmo hoti, yathā pamāṇameva upari dissati, evaṃ bhūmiyaṃ nikhaṇitvā vā. Aṭṭakaṃ vā bandhitvāti ukkhipitvā tulāsaṅghāte ṭhapetvā aṭṭaṃ katvā.
मञ्चपीठसिक्खापदवण्णना निट्ठिता।
Mañcapīṭhasikkhāpadavaṇṇanā niṭṭhitā.
