| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৫. মঞ্চপীঠসিক্খাপদৰণ্ণনা
5. Mañcapīṭhasikkhāpadavaṇṇanā
৫২১. পঞ্চমে পাল়িযং আসযতো, ভিক্খৰে, মোঘপুরিসো ৰেদিতব্বোতি হীনজ্ঝাসযৰসেন অযং তুচ্ছপুরিসোতি ঞাতব্বো, হীনায পচ্চযে লোলতায পুগ্গলস্স তুচ্ছতা ঞাতব্বাতি অধিপ্পাযো। ইমস্মিং সিক্খাপদে, ইতো পরেসু চ পঞ্চসু অত্তনা কারাপিতস্স পটিলাভে এৰ পাচিত্তিযং। পরিভোগে পনস্স, অঞ্ঞেসঞ্চ দুক্কটমেৰ। পমাণাতিক্কন্তমঞ্চপীঠতা, অত্তনো করণকারাপনৰসেন পটিলাভোতি দ্ৰে অঙ্গানি।
521. Pañcame pāḷiyaṃ āsayato, bhikkhave, moghapuriso veditabboti hīnajjhāsayavasena ayaṃ tucchapurisoti ñātabbo, hīnāya paccaye lolatāya puggalassa tucchatā ñātabbāti adhippāyo. Imasmiṃ sikkhāpade, ito paresu ca pañcasu attanā kārāpitassa paṭilābhe eva pācittiyaṃ. Paribhoge panassa, aññesañca dukkaṭameva. Pamāṇātikkantamañcapīṭhatā, attano karaṇakārāpanavasena paṭilābhoti dve aṅgāni.
মঞ্চপীঠসিক্খাপদৰণ্ণনা নিট্ঠিতা।
Mañcapīṭhasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৯. রতনৰগ্গো • 9. Ratanavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৫. মঞ্চসিক্খাপদৰণ্ণনা • 5. Mañcasikkhāpadavaṇṇanā
