| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. মঞ্চপীঠসিক্খাপদৰণ্ণনা
5. Mañcapīṭhasikkhāpadavaṇṇanā
অট্ঠঙ্গুলপাদকন্তি ভাৰনপুংসকনিদ্দেসো। ‘‘ছেদনকং ভেদনকসদিসমেৰা’’তি ইমিনা ‘‘ছেদনমেৰ ছেদনকং, তং অস্স অত্থীতি ছেদনক’’ন্তি ইমমত্থং অতিদিসতি।
Aṭṭhaṅgulapādakanti bhāvanapuṃsakaniddeso. ‘‘Chedanakaṃ bhedanakasadisamevā’’ti iminā ‘‘chedanameva chedanakaṃ, taṃ assa atthīti chedanaka’’nti imamatthaṃ atidisati.
যথা পমাণমেৰ উপরি দিস্সতি, এৰং নিখণিত্ৰা ৰাতি সচে পন ন ছিন্দিতুকামো হোতি, যথা পমাণমেৰ উপরি দিস্সতি, এৰং ভূমিযং নিখণিত্ৰা ৰা। অট্টকং ৰা বন্ধিত্ৰাতি উক্খিপিত্ৰা তুলাসঙ্ঘাতে ঠপেত্ৰা অট্টং কত্ৰা।
Yathā pamāṇameva upari dissati, evaṃ nikhaṇitvā vāti sace pana na chinditukāmo hoti, yathā pamāṇameva upari dissati, evaṃ bhūmiyaṃ nikhaṇitvā vā. Aṭṭakaṃ vā bandhitvāti ukkhipitvā tulāsaṅghāte ṭhapetvā aṭṭaṃ katvā.
মঞ্চপীঠসিক্খাপদৰণ্ণনা নিট্ঠিতা।
Mañcapīṭhasikkhāpadavaṇṇanā niṭṭhitā.
