| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. মানত্থদ্ধসুত্তৰণ্ণনা
5. Mānatthaddhasuttavaṇṇanā
২০১. মানেন থদ্ধোতি ‘‘অযং খো’’তিআদিনা পগ্গহিতেন মানেন থদ্ধো বজ্ঝিতচিত্তো থদ্ধঅযোসলাকো ৰিয কস্সচিপি অনোনতো। ন কিঞ্চি জানাতি লোকে পটিসন্থারমত্তস্সপি অজাননতো।
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
অব্ভুতৰিত্তজাতাতি সঞ্জাতঅব্ভুতৰিত্তা। ৰিত্তং ৰিত্তীতি চ তুট্ঠিপরিযাযা। অভূতপুব্বাযাতি যা তস্সা পরিসায ৰিত্তি তদা ভূতা, সা ইতো পুব্বে অভূতা। তেনাহ ‘‘অভূত…পে॰… সমন্নাগতা’’তি। অস্স পুগ্গলস্সাতি অনেন পুগ্গলেন। অপচিতাতি পরমনিপচ্চেন পূজনীযসামঞ্ঞতো তত্থ অত্তনো পক্খিপনং ইধ দেসনাকোসল্লং।
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
মানত্থদ্ধসুত্তৰণ্ণনা নিট্ঠিতা।
Mānatthaddhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. মানত্থদ্ধসুত্তং • 5. Mānatthaddhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. মানত্থদ্ধসুত্তৰণ্ণনা • 5. Mānatthaddhasuttavaṇṇanā
