| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. மானத்த²த்³த⁴ஸுத்தவண்ணனா
5. Mānatthaddhasuttavaṇṇanā
201. மானேன த²த்³தோ⁴தி ‘‘அயங் கோ²’’திஆதி³னா பக்³க³ஹிதேன மானேன த²த்³தோ⁴ ப³ஜ்ஜி²தசித்தோ த²த்³த⁴அயோஸலாகோ விய கஸ்ஸசிபி அனோனதோ. ந கிஞ்சி ஜானாதி லோகே படிஸந்தா²ரமத்தஸ்ஸபி அஜானநதோ.
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
அப்³பு⁴தவித்தஜாதாதி ஸஞ்ஜாதஅப்³பு⁴தவித்தா. வித்தங் வித்தீதி ச துட்டி²பரியாயா. அபூ⁴தபுப்³பா³யாதி யா தஸ்ஸா பரிஸாய வித்தி ததா³ பூ⁴தா, ஸா இதோ புப்³பே³ அபூ⁴தா. தேனாஹ ‘‘அபூ⁴த…பே॰… ஸமன்னாக³தா’’தி. அஸ்ஸ புக்³க³லஸ்ஸாதி அனேன புக்³க³லேன. அபசிதாதி பரமனிபச்சேன பூஜனீயஸாமஞ்ஞதோ தத்த² அத்தனோ பக்கி²பனங் இத⁴ தே³ஸனாகோஸல்லங்.
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
மானத்த²த்³த⁴ஸுத்தவண்ணனா நிட்டி²தா.
Mānatthaddhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. மானத்த²த்³த⁴ஸுத்தங் • 5. Mānatthaddhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. மானத்த²த்³த⁴ஸுத்தவண்ணனா • 5. Mānatthaddhasuttavaṇṇanā
