| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
८. मानपरिञ्ञासुत्तं
8. Mānapariññāsuttaṃ
८. वुत्तञ्हेतं भगवता, वुत्तमरहताति मे सुतं –
8. Vuttañhetaṃ bhagavatā, vuttamarahatāti me sutaṃ –
‘‘मानं, भिक्खवे, अनभिजानं अपरिजानं तत्थ चित्तं अविराजयं अप्पजहं अभब्बो दुक्खक्खयाय । मानञ्च खो, भिक्खवे, अभिजानं परिजानं तत्थ चित्तं विराजयं पजहं भब्बो दुक्खक्खयाया’’ति। एतमत्थं भगवा अवोच। तत्थेतं इति वुच्चति –
‘‘Mānaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya . Mānañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘मानुपेता अयं पजा, मानगन्था भवे रता।
‘‘Mānupetā ayaṃ pajā, mānaganthā bhave ratā;
मानं अपरिजानन्ता, आगन्तारो पुनब्भवं॥
Mānaṃ aparijānantā, āgantāro punabbhavaṃ.
‘‘ये च मानं पहन्त्वान, विमुत्ता मानसङ्खये।
‘‘Ye ca mānaṃ pahantvāna, vimuttā mānasaṅkhaye;
अयम्पि अत्थो वुत्तो भगवता, इति मे सुतन्ति। अट्ठमं।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ८. मानपरिञ्ञासुत्तवण्णना • 8. Mānapariññāsuttavaṇṇanā
