| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਮਲ੍ਲਿਕਾਸੁਤ੍ਤવਣ੍ਣਨਾ
8. Mallikāsuttavaṇṇanā
੧੧੯. ‘‘ਕਸ੍ਮਾ ਪੁਚ੍ਛਤੀ’’ਤਿ? ਪੁਚ੍ਛਾਕਾਰਣਂ ਚੋਦੇਤ੍વਾ ਸਮੁਦਯਤੋ ਪਟ੍ਠਾਯ ਦਸ੍ਸੇਤੁਂ ‘‘ਅਯਂ ਕਿਰ ਮਲ੍ਲਿਕਾ’’ਤਿਆਦਿ વੁਤ੍ਤਂ। ਮਾਲਾਰਾਮਂ ਗਨ੍ਤ੍વਾਤਿ ਅਤ੍ਤਨੋ ਪਿਤੁ ਮਾਲਾਰਾਮਂ ਰਕ੍ਖਣਤ੍ਥਞ੍ਚੇવ ਅવਸੇਸਪੁਪ੍ਫਗ੍ਗਹਣਤ੍ਥਞ੍ਚ ਗਨ੍ਤ੍વਾ। ਕਾਸਿਗਾਮੇਤਿ ਕਾਸਿਰਟ੍ਠਸ੍ਸ ਗਾਮੇ। ਸੋ ਕਿਰ ਗਾਮੋ ਮਹਾਕੋਸਲਰਾਜੇਨ ਅਤ੍ਤਨੋ ਧੀਤੁਯਾ ਪਤਿਘਰਂ ਗਚ੍ਛਨ੍ਤਿਯਾ ਪੁਪ੍ਫਮੂਲਤ੍ਥਾਯ ਦਿਨ੍ਨੋ, ਤਂਨਿਮਿਤ੍ਤਂ। ਭਾਗਿਨੇਯ੍ਯੇਨ ਅਜਾਤਸਤ੍ਤੁਨਾ। ਤਸ੍ਸਾਤਿ ਰਞ੍ਞੋ ਪਸੇਨਦਿਸ੍ਸ। ਸਾਤਿ ਮਲ੍ਲਿਕਾ। ਨਿવਤ੍ਤਿਤੁਨ੍ਤਿ ਤਸ੍ਸਾ ਧਮ੍ਮਤਾਯ ਨਿવਤ੍ਤਿਤੁਂ ਤਸ੍ਸਾ વਚਨਂ ਪਟਿਕ੍ਖਿਪਿਤੁਂ। ਨੇવਜ੍ਝਗਾਤਿ વਤ੍ਤਮਾਨਤ੍ਥੇ ਅਤੀਤવਚਨਨ੍ਤਿ ਆਹ ‘‘ਨਾਧਿਗਚ੍ਛਤੀ’’ਤਿ। ਪੁਥੁ ਅਤ੍ਤਾਤਿ ਤੇਸਂ ਸਤ੍ਤਾਨਂ ਅਤ੍ਤਾ।
119.‘‘Kasmā pucchatī’’ti? Pucchākāraṇaṃ codetvā samudayato paṭṭhāya dassetuṃ ‘‘ayaṃ kira mallikā’’tiādi vuttaṃ. Mālārāmaṃ gantvāti attano pitu mālārāmaṃ rakkhaṇatthañceva avasesapupphaggahaṇatthañca gantvā. Kāsigāmeti kāsiraṭṭhassa gāme. So kira gāmo mahākosalarājena attano dhītuyā patigharaṃ gacchantiyā pupphamūlatthāya dinno, taṃnimittaṃ. Bhāgineyyena ajātasattunā. Tassāti rañño pasenadissa. Sāti mallikā. Nivattitunti tassā dhammatāya nivattituṃ tassā vacanaṃ paṭikkhipituṃ. Nevajjhagāti vattamānatthe atītavacananti āha ‘‘nādhigacchatī’’ti. Puthu attāti tesaṃ sattānaṃ attā.
ਮਲ੍ਲਿਕਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mallikāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਮਲ੍ਲਿਕਾਸੁਤ੍ਤਂ • 8. Mallikāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਮਲ੍ਲਿਕਾਸੁਤ੍ਤવਣ੍ਣਨਾ • 8. Mallikāsuttavaṇṇanā
