| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. မလ္လိကာသုတ္တဝဏ္ဏနာ
8. Mallikāsuttavaṇṇanā
၁၁၉. ‘‘ကသ္မာ ပုစ္ဆတီ’’တိ? ပုစ္ဆာကာရဏံ စောဒေတ္ဝာ သမုဒယတော ပဋ္ဌာယ ဒသ္သေတုံ ‘‘အယံ ကိရ မလ္လိကာ’’တိအာဒိ ဝုတ္တံ။ မာလာရာမံ ဂန္တ္ဝာတိ အတ္တနော ပိတု မာလာရာမံ ရက္ခဏတ္ထဉ္စေဝ အဝသေသပုပ္ဖဂ္ဂဟဏတ္ထဉ္စ ဂန္တ္ဝာ။ ကာသိဂာမေတိ ကာသိရဋ္ဌသ္သ ဂာမေ။ သော ကိရ ဂာမော မဟာကောသလရာဇေန အတ္တနော ဓီတုယာ ပတိဃရံ ဂစ္ဆန္တိယာ ပုပ္ဖမူလတ္ထာယ ဒိန္နော, တံနိမိတ္တံ။ ဘာဂိနေယ္ယေန အဇာတသတ္တုနာ။ တသ္သာတိ ရညော ပသေနဒိသ္သ။ သာတိ မလ္လိကာ။ နိဝတ္တိတုန္တိ တသ္သာ ဓမ္မတာယ နိဝတ္တိတုံ တသ္သာ ဝစနံ ပဋိက္ခိပိတုံ။ နေဝဇ္ဈဂာတိ ဝတ္တမာနတ္ထေ အတီတဝစနန္တိ အာဟ ‘‘နာဓိဂစ္ဆတီ’’တိ။ ပုထု အတ္တာတိ တေသံ သတ္တာနံ အတ္တာ။
119.‘‘Kasmā pucchatī’’ti? Pucchākāraṇaṃ codetvā samudayato paṭṭhāya dassetuṃ ‘‘ayaṃ kira mallikā’’tiādi vuttaṃ. Mālārāmaṃ gantvāti attano pitu mālārāmaṃ rakkhaṇatthañceva avasesapupphaggahaṇatthañca gantvā. Kāsigāmeti kāsiraṭṭhassa gāme. So kira gāmo mahākosalarājena attano dhītuyā patigharaṃ gacchantiyā pupphamūlatthāya dinno, taṃnimittaṃ. Bhāgineyyena ajātasattunā. Tassāti rañño pasenadissa. Sāti mallikā. Nivattitunti tassā dhammatāya nivattituṃ tassā vacanaṃ paṭikkhipituṃ. Nevajjhagāti vattamānatthe atītavacananti āha ‘‘nādhigacchatī’’ti. Puthu attāti tesaṃ sattānaṃ attā.
မလ္လိကာသုတ္တဝဏ္ဏနာ နိဋ္ဌိတာ။
Mallikāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. မလ္လိကာသုတ္တံ • 8. Mallikāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. မလ္လိကာသုတ္တဝဏ္ဏနာ • 8. Mallikāsuttavaṇṇanā
