| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. மல்லிகாஸுத்தவண்ணனா
6. Mallikāsuttavaṇṇanā
127. ச²ட்டே² உபஸங்கமீதி மல்லிகாய தே³வியா க³ப்³ப⁴வுட்டா²னகாலே ஸூதிக⁴ரங் படிஜக்³கா³பெத்வா ஆரக்க²ங் த³த்வா உபஸங்கமி. அனத்தமனோ அஹோஸீதி, ‘‘து³க்³க³தகுலஸ்ஸ மே தீ⁴து மஹந்தங் இஸ்ஸரியங் தி³ன்னங், ஸசே புத்தங் அலபி⁴ஸ்ஸ, மஹந்தங் ஸக்காரங் அதி⁴க³மிஸ்ஸ, ததோ தா³னி பரிஹீனா’’தி அனத்தமனோ அஹோஸி. ஸெய்யாதி த³ந்த⁴பஞ்ஞஸ்மா ஏலமூக³புத்ததோ ஏகச்சா இத்தீ²யேவ ஸெய்யா. போஸாதி போஸேஹி. ஜனாதி⁴பாதி ஜனாதி⁴பு⁴ங் ராஜானங் ஆலபதி. ஸஸ்ஸுதே³வாதி ஸஸ்ஸுஸஸுரதே³வதா. தி³ஸம்பதீதி தி³ஸாஜெட்ட²கா. தாதி³ஸா ஸுப⁴கி³யாதி தாதி³ஸாய ஸுப⁴ரியாய. ச²ட்ட²ங்.
127. Chaṭṭhe upasaṅkamīti mallikāya deviyā gabbhavuṭṭhānakāle sūtigharaṃ paṭijaggāpetvā ārakkhaṃ datvā upasaṅkami. Anattamano ahosīti, ‘‘duggatakulassa me dhītu mahantaṃ issariyaṃ dinnaṃ, sace puttaṃ alabhissa, mahantaṃ sakkāraṃ adhigamissa, tato dāni parihīnā’’ti anattamano ahosi. Seyyāti dandhapaññasmā elamūgaputtato ekaccā itthīyeva seyyā. Posāti posehi. Janādhipāti janādhibhuṃ rājānaṃ ālapati. Sassudevāti sassusasuradevatā. Disampatīti disājeṭṭhakā. Tādisā subhagiyāti tādisāya subhariyāya. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. மல்லிகாஸுத்தங் • 6. Mallikāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. மல்லிகாஸுத்தவண்ணனா • 6. Mallikāsuttavaṇṇanā
