| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
६. मल्लिकासुत्तं
6. Mallikāsuttaṃ
१२७. सावत्थिनिदानं । अथ खो राजा पसेनदि कोसलो येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं निसीदि। अथ खो अञ्ञतरो पुरिसो येन राजा पसेनदि कोसलो तेनुपसङ्कमि; उपसङ्कमित्वा रञ्ञो पसेनदिस्स कोसलस्स उपकण्णके आरोचेसि – ‘‘मल्लिका, देव, देवी धीतरं विजाता’’ति। एवं वुत्ते, राजा पसेनदि कोसलो अनत्तमनो अहोसि।
127. Sāvatthinidānaṃ . Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Atha kho aññataro puriso yena rājā pasenadi kosalo tenupasaṅkami; upasaṅkamitvā rañño pasenadissa kosalassa upakaṇṇake ārocesi – ‘‘mallikā, deva, devī dhītaraṃ vijātā’’ti. Evaṃ vutte, rājā pasenadi kosalo anattamano ahosi.
अथ खो भगवा राजानं पसेनदिं कोसलं अनत्तमनतं विदित्वा तायं वेलायं इमा गाथायो अभासि –
Atha kho bhagavā rājānaṃ pasenadiṃ kosalaṃ anattamanataṃ viditvā tāyaṃ velāyaṃ imā gāthāyo abhāsi –
‘‘इत्थीपि हि एकच्चिया, सेय्या पोस जनाधिप।
‘‘Itthīpi hi ekacciyā, seyyā posa janādhipa;
मेधाविनी सीलवती, सस्सुदेवा पतिब्बता॥
Medhāvinī sīlavatī, sassudevā patibbatā.
‘‘तस्सा यो जायति पोसो, सूरो होति दिसम्पति।
‘‘Tassā yo jāyati poso, sūro hoti disampati;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. मल्लिकासुत्तवण्णना • 6. Mallikāsuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. मल्लिकासुत्तवण्णना • 6. Mallikāsuttavaṇṇanā
