| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. มลสุตฺตํ
5. Malasuttaṃ
๑๕. ‘‘อฎฺฐิมานิ , ภิกฺขเว, มลานิฯ กตมานิ อฎฺฐ? อสชฺฌายมลา, ภิกฺขเว, มนฺตา; อนุฎฺฐานมลา, ภิกฺขเว, ฆรา; มลํ, ภิกฺขเว, วณฺณสฺส โกสชฺชํ; ปมาโท, ภิกฺขเว, รกฺขโต มลํ; มลํ, ภิกฺขเว, อิตฺถิยา ทุจฺจริตํ; มเจฺฉรํ, ภิกฺขเว, ททโต มลํ; มลา, ภิกฺขเว, ปาปกา อกุสลา ธมฺมา อสฺมิํ โลเก ปรมฺหิ จ; ตโต 1, ภิกฺขเว, มลา มลตรํ อวิชฺชา ปรมํ มลํฯ อิมานิ โข, ภิกฺขเว, อฎฺฐ มลานี’’ติฯ
15. ‘‘Aṭṭhimāni , bhikkhave, malāni. Katamāni aṭṭha? Asajjhāyamalā, bhikkhave, mantā; anuṭṭhānamalā, bhikkhave, gharā; malaṃ, bhikkhave, vaṇṇassa kosajjaṃ; pamādo, bhikkhave, rakkhato malaṃ; malaṃ, bhikkhave, itthiyā duccaritaṃ; maccheraṃ, bhikkhave, dadato malaṃ; malā, bhikkhave, pāpakā akusalā dhammā asmiṃ loke paramhi ca; tato 2, bhikkhave, malā malataraṃ avijjā paramaṃ malaṃ. Imāni kho, bhikkhave, aṭṭha malānī’’ti.
‘‘อสชฺฌายมลา มนฺตา, อนุฎฺฐานมลา ฆรา;
‘‘Asajjhāyamalā mantā, anuṭṭhānamalā gharā;
มลํ วณฺณสฺส โกสชฺชํ, ปมาโท รกฺขโต มลํฯ
Malaṃ vaṇṇassa kosajjaṃ, pamādo rakkhato malaṃ.
‘‘มลิตฺถิยา ทุจฺจริตํ, มเจฺฉรํ ททโต มลํ;
‘‘Malitthiyā duccaritaṃ, maccheraṃ dadato malaṃ;
มลา เว ปาปกา ธมฺมา, อสฺมิํ โลเก ปรมฺหิ จ;
Malā ve pāpakā dhammā, asmiṃ loke paramhi ca;
ตโต มลา มลตรํ, อวิชฺชา ปรมํ มล’’นฺติฯ ปญฺจมํ;
Tato malā malataraṃ, avijjā paramaṃ mala’’nti. pañcamaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. มลสุตฺตวณฺณนา • 5. Malasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๘. มลสุตฺตาทิวณฺณนา • 5-8. Malasuttādivaṇṇanā
