| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៣.មក្ខបរិញ្ញាសុត្តំ
3.Makkhapariññāsuttaṃ
១៣. វុត្តញ្ហេតំ ភគវតា, វុត្តមរហតាតិ មេ សុតំ –
13. Vuttañhetaṃ bhagavatā, vuttamarahatāti me sutaṃ –
‘‘មក្ខំ, ភិក្ខវេ, អនភិជានំ អបរិជានំ តត្ថ ចិត្តំ អវិរាជយំ អប្បជហំ អភព្ពោ ទុក្ខក្ខយាយ។ មក្ខញ្ច ខោ, ភិក្ខវេ, អភិជានំ បរិជានំ តត្ថ ចិត្តំ វិរាជយំ បជហំ ភព្ពោ ទុក្ខក្ខយាយា’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Makkhaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Makkhañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘យេន មក្ខេន មក្ខាសេ, សត្តា គច្ឆន្តិ ទុគ្គតិំ;
‘‘Yena makkhena makkhāse, sattā gacchanti duggatiṃ;
តំ មក្ខំ សម្មទញ្ញាយ, បជហន្តិ វិបស្សិនោ;
Taṃ makkhaṃ sammadaññāya, pajahanti vipassino;
បហាយ ន បុនាយន្តិ, ឥមំ លោកំ កុទាចន’’ន្តិ។
Pahāya na punāyanti, imaṃ lokaṃ kudācana’’nti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ តតិយំ។
Ayampi attho vutto bhagavatā, iti me sutanti. Tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ១-៣. មោហបរិញ្ញាទិសុត្តវណ្ណនា • 1-3. Mohapariññādisuttavaṇṇanā
