| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
३.मक्खपरिञ्ञासुत्तं
3.Makkhapariññāsuttaṃ
१३. वुत्तञ्हेतं भगवता, वुत्तमरहताति मे सुतं –
13. Vuttañhetaṃ bhagavatā, vuttamarahatāti me sutaṃ –
‘‘मक्खं, भिक्खवे, अनभिजानं अपरिजानं तत्थ चित्तं अविराजयं अप्पजहं अभब्बो दुक्खक्खयाय। मक्खञ्च खो, भिक्खवे, अभिजानं परिजानं तत्थ चित्तं विराजयं पजहं भब्बो दुक्खक्खयाया’’ति। एतमत्थं भगवा अवोच। तत्थेतं इति वुच्चति –
‘‘Makkhaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Makkhañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘येन मक्खेन मक्खासे, सत्ता गच्छन्ति दुग्गतिं।
‘‘Yena makkhena makkhāse, sattā gacchanti duggatiṃ;
तं मक्खं सम्मदञ्ञाय, पजहन्ति विपस्सिनो।
Taṃ makkhaṃ sammadaññāya, pajahanti vipassino;
पहाय न पुनायन्ति, इमं लोकं कुदाचन’’न्ति॥
Pahāya na punāyanti, imaṃ lokaṃ kudācana’’nti.
अयम्पि अत्थो वुत्तो भगवता, इति मे सुतन्ति। ततियं।
Ayampi attho vutto bhagavatā, iti me sutanti. Tatiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / १-३. मोहपरिञ्ञादिसुत्तवण्णना • 1-3. Mohapariññādisuttavaṇṇanā
