| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
429. මහාසුවජාතකං (3)
429. Mahāsuvajātakaṃ (3)
20.
20.
දුමො යදා හොති ඵලූපපන්නො, භුඤ්ජන්ති නං විහඞ්ගමා 1 සම්පතන්තා;
Dumo yadā hoti phalūpapanno, bhuñjanti naṃ vihaṅgamā 2 sampatantā;
ඛීණන්ති ඤත්වාන දුමං ඵලච්චයෙ 3, දිසොදිසං යන්ති තතො විහඞ්ගමා.
Khīṇanti ñatvāna dumaṃ phalaccaye 4, disodisaṃ yanti tato vihaṅgamā.
21.
21.
චර චාරිකං ලොහිතතුණ්ඩ මාමරි, කිං ත්වං සුව සුක්ඛදුමම්හි ඣායසි;
Cara cārikaṃ lohitatuṇḍa māmari, kiṃ tvaṃ suva sukkhadumamhi jhāyasi;
තදිඞ්ඝ මං බ්රූහි වසන්තසන්නිභ, කස්මා සුව සුක්ඛදුමං න රිඤ්චසි.
Tadiṅgha maṃ brūhi vasantasannibha, kasmā suva sukkhadumaṃ na riñcasi.
22.
22.
යෙ වෙ සඛීනං සඛාරො භවන්ති, පාණච්චයෙ 5 දුක්ඛසුඛෙසු හංස;
Ye ve sakhīnaṃ sakhāro bhavanti, pāṇaccaye 6 dukkhasukhesu haṃsa;
ඛීණං අඛීණන්ති න තං ජහන්ති, සන්තො සතං ධම්මමනුස්සරන්තා.
Khīṇaṃ akhīṇanti na taṃ jahanti, santo sataṃ dhammamanussarantā.
23.
23.
සොහං සතං අඤ්ඤතරොස්මි හංස, ඤාතී ච මෙ හොති සඛා ච රුක්ඛො;
Sohaṃ sataṃ aññatarosmi haṃsa, ñātī ca me hoti sakhā ca rukkho;
තං නුස්සහෙ ජීවිකත්ථො පහාතුං, ඛීණන්ති ඤත්වාන න හෙස ධම්මො 7.
Taṃ nussahe jīvikattho pahātuṃ, khīṇanti ñatvāna na hesa dhammo 8.
24.
24.
සචෙතං ධම්මං රොචෙසි, පාසංසොසි විජානතං.
Sacetaṃ dhammaṃ rocesi, pāsaṃsosi vijānataṃ.
25.
25.
සො තෙ සුව වරං දම්මි, පත්තයාන විහඞ්ගම;
So te suva varaṃ dammi, pattayāna vihaṅgama;
වරං වරස්සු වක්කඞ්ග, යං කිඤ්චි මනසිච්ඡසි.
Varaṃ varassu vakkaṅga, yaṃ kiñci manasicchasi.
26.
26.
වරඤ්ච මෙ හංස භවං දදෙය්ය, අයඤ්ච රුක්ඛො පුනරායුං ලභෙථ;
Varañca me haṃsa bhavaṃ dadeyya, ayañca rukkho punarāyuṃ labhetha;
සො සාඛවා ඵලිමා සංවිරූළ්හො, මධුත්ථිකො තිට්ඨතු සොභමානො.
So sākhavā phalimā saṃvirūḷho, madhutthiko tiṭṭhatu sobhamāno.
27.
27.
තං පස්ස සම්ම ඵලිමං උළාරං, සහාව තෙ හොතු උදුම්බරෙන;
Taṃ passa samma phalimaṃ uḷāraṃ, sahāva te hotu udumbarena;
සො සාඛවා ඵලිමා සංවිරූළ්හො, මධුත්ථිකො තිට්ඨතු සොභමානො.
So sākhavā phalimā saṃvirūḷho, madhutthiko tiṭṭhatu sobhamāno.
28.
28.
එවං සක්ක සුඛී හොහි, සහ සබ්බෙහි ඤාතිභි;
Evaṃ sakka sukhī hohi, saha sabbehi ñātibhi;
යථාහමජ්ජ සුඛිතො, දිස්වාන සඵලං දුමං.
Yathāhamajja sukhito, disvāna saphalaṃ dumaṃ.
29.
29.
සුවස්ස ච වරං දත්වා, කත්වාන සඵලං දුමං;
Suvassa ca varaṃ datvā, katvāna saphalaṃ dumaṃ;
පක්කාමි සහ භරියාය, දෙවානං නන්දනං වනන්ති.
Pakkāmi saha bhariyāya, devānaṃ nandanaṃ vananti.
මහාසුවජාතකං තතියං.
Mahāsuvajātakaṃ tatiyaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [429] 3. මහාසුවජාතකවණ්ණනා • [429] 3. Mahāsuvajātakavaṇṇanā
