| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. махаасааласуд̇д̇аван̣н̣анаа
4. Mahāsālasuttavaṇṇanā
200. яасмаа д̇асса б̣раахман̣асса аниссаяасса ж̇ин̣н̣абхаавзна висзсад̇о гааяо лууко ж̇аад̇о, ж̇ин̣н̣абилод̇игакан̣д̣зхи сан̇гхадид̇ам̣ баавуран̣ам̣, д̇асмаа ‘‘луукабаавуран̣о’’д̇и бад̣̇асса ‘‘ж̇ин̣н̣абаавуран̣о’’д̇и ад̇т̇о вуд̇д̇о. баадиязгганд̇и буд̇д̇зсу згамзго згамзгааяа ваажааяа висум̣ висум̣.
200. Yasmā tassa brāhmaṇassa anissayassa jiṇṇabhāvena visesato kāyo lūkho jāto, jiṇṇapilotikakhaṇḍehi saṅghaṭitaṃ pāvuraṇaṃ, tasmā ‘‘lūkhapāvuraṇo’’ti padassa ‘‘jiṇṇapāvuraṇo’’ti attho vutto. Pāṭiyekkanti puttesu ekameko ekamekāya vācāya visuṃ visuṃ.
самбужчанам̣ наама ид̇ха самманд̇ананд̇и ааха ‘‘сад̣̇д̇хим̣ манд̇аяид̇ваа’’д̇и. нанд̣̇иссанд̇и абхинанд̣̇им̣. ад̇ийд̇ад̇т̇з хи ид̣̇ам̣ анааг̇ад̇аважанам̣. д̇знааха ‘‘нанд̣̇иж̇аад̇о…бз… ахоси’’нд̇и. бхуссанд̇аад̇и ниб̣бхуссанавасзна раванд̇аа.
Sampucchanaṃ nāma idha sammantananti āha ‘‘saddhiṃ mantayitvā’’ti. Nandissanti abhinandiṃ. Atītatthe hi idaṃ anāgatavacanaṃ. Tenāha ‘‘nandijāto…pe… ahosi’’nti. Bhussantāti nibbhussanavasena ravantā.
ваяог̇ад̇анд̇и бажчимаваяам̣ убаг̇ад̇ам̣. со бана яасмаа буримз д̣̇вз ваяз ад̇иггамавасзна г̇ад̇о. бажчимам̣ згад̣̇зсад̇о ад̇иггаманавасзна, д̇асмаа вуд̇д̇ам̣ – ‘‘д̇аяо ваяз г̇ад̇ам̣ ад̇игганд̇ам̣ бажчимаваяз тид̇а’’нд̇и.
Vayogatanti pacchimavayaṃ upagataṃ. So pana yasmā purime dve vaye atikkamavasena gato. Pacchimaṃ ekadesato atikkamanavasena, tasmā vuttaṃ – ‘‘tayo vaye gataṃ atikkantaṃ pacchimavaye ṭhita’’nti.
ниббарибхог̇од̇и ж̇ин̣н̣абхаавзна ж̇авабараггамахаанияаа абарибхог̇о на бхун̃ж̇ид̇аб̣б̣о. каад̣̇анаа абанийяад̇ийд̇и яавасам̣ ад̣̇ад̣̇анд̇аа д̇ад̇о нийхаранд̇и наама. т̇зрод̇и вуд̣дхо.
Nipparibhogoti jiṇṇabhāvena javaparakkamahāniyā aparibhogo na bhuñjitabbo. Khādanā apanīyatīti yavasaṃ adadantā tato nīharanti nāma. Theroti vuḍḍho.
анассаваад̇и на важанагараа. аббад̇иссаад̇и бад̇иссаяарахид̇аа. авасавад̇д̇инод̇и на маяхам̣ васзна вад̇д̇анагаа. сунд̣̇арад̇арод̇и убад̇т̇амбхагаарибхаавзна сунд̣̇арад̇аро.
Anassavāti na vacanakarā. Appatissāti patissayarahitā. Avasavattinoti na mayhaṃ vasena vattanakā. Sundarataroti upatthambhakāribhāvena sundarataro.
бурад̇од̇и убад̇т̇амбхагабхаавзна бурад̇о гад̇ваа. уд̣̇агз бад̇идтам̣ лабхад̇и д̇ад̇т̇а бад̇идтад̇о т̇ирабад̇идтабхаавад̇о. ад̣̇д̇хабад̇идто хи д̣̇ан̣д̣о д̣̇ан̣д̣ад̇харабурисасса бад̇идтам̣ лабхаабзд̇и.
Puratoti upatthambhakabhāvena purato katvā. Udake patiṭṭhaṃ labhati tattha patiṭṭhato thirapatiṭṭhabhāvato. Addhapatiṭṭho hi daṇḍo daṇḍadharapurisassa patiṭṭhaṃ labhāpeti.
б̣раахман̣ияод̇и ад̇д̇ано б̣раахман̣ияо. баадиязгганд̇и ‘‘асугасса г̇зхз асугасса г̇зхз’’д̇и звам̣ уд̣̇д̣̇зсигам̣ гад̇ваа висум̣ висум̣. маа нияяаад̣̇зхи, амхаагам̣ ружжанадтаанамзваад̇и д̇ава буд̇д̇аанам̣ г̇зхзсу яам̣ амхаагам̣ ружжанадтаанам̣. д̇ад̇т̇амзва г̇амиссаамаад̇и саб̣б̣зсамби зд̇зсам̣ ануг̇г̇ахам̣ гаад̇угаамо бхаг̇аваа звамааха.
Brāhmaṇiyoti attano brāhmaṇiyo. Pāṭiyekkanti ‘‘asukassa gehe asukassa gehe’’ti evaṃ uddesikaṃ katvā visuṃ visuṃ. Mā niyyādehi, amhākaṃ ruccanaṭṭhānamevāti tava puttānaṃ gehesu yaṃ amhākaṃ ruccanaṭṭhānaṃ. Tatthameva gamissāmāti sabbesampi etesaṃ anuggahaṃ kātukāmo bhagavā evamāha.
д̇ад̇о бадтааяаад̇и сод̇аабад̇д̇ипалабадилаабхад̇о бадтааяа. яад̣̇ад̇т̇ам̣ маяам̣ имасса б̣раахман̣асса махаасамбад̇д̇ид̣̇аанаад̣̇инаа ануг̇г̇ахо гад̇о, со жасса буд̇д̇абариж̇анассаби ад̇т̇о сид̣̇д̇ход̇и сад̇т̇аа на саб̣б̣агаалам̣ д̇асса б̣раахман̣асса буд̇д̇аанам̣ г̇зхам̣ аг̇амааси, д̇з зва бана гаалзна гаалам̣ сад̇т̇у санд̇игам̣ г̇анд̇ваа яат̇аавибхавам̣ саггаарасаммаанам̣ агам̣сууд̇и ад̇хиббааяо.
Tato paṭṭhāyāti sotāpattiphalapaṭilābhato paṭṭhāya. Yadatthaṃ mayaṃ imassa brāhmaṇassa mahāsampattidānādinā anuggaho kato, so cassa puttaparijanassapi attho siddhoti satthā na sabbakālaṃ tassa brāhmaṇassa puttānaṃ gehaṃ agamāsi, te eva pana kālena kālaṃ satthu santikaṃ gantvā yathāvibhavaṃ sakkārasammānaṃ akaṃsūti adhippāyo.
махаасааласуд̇д̇аван̣н̣анаа нидтид̇аа.
Mahāsālasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. махаасааласуд̇д̇ам̣ • 4. Mahāsālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. махаасааласуд̇д̇аван̣н̣анаа • 4. Mahāsālasuttavaṇṇanā
