| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. махаасаалабуд̇д̇асуд̇д̇ам̣
10. Mahāsālaputtasuttaṃ
40. ‘‘химаванд̇ам̣, бхигкавз, баб̣б̣ад̇арааж̇ам̣ ниссааяа махаасаалаа бан̃жахи вад̣дхийхи вад̣дханд̇и. гад̇амаахи бан̃жахи? саакаабад̇д̇абалаасзна вад̣дханд̇и; д̇ажзна вад̣дханд̇и; бабадигааяа вад̣дханд̇и; пзг̇г̇унаа вад̣дханд̇и; саарзна вад̣дханд̇и. химаванд̇ам̣, бхигкавз, баб̣б̣ад̇арааж̇ам̣ ниссааяа махаасаалаа имаахи бан̃жахи вад̣дхийхи вад̣дханд̇и. звамзвам̣ ко, бхигкавз, сад̣̇д̇хам̣ гулабуд̇д̇ам̣ ниссааяа анд̇ож̇ано бан̃жахи вад̣дхийхи вад̣дхад̇и. гад̇амаахи бан̃жахи? сад̣̇д̇хааяа вад̣дхад̇и; сийлзна вад̣дхад̇и; суд̇зна вад̣дхад̇и; жааг̇зна вад̣дхад̇и; бан̃н̃ааяа вад̣дхад̇и. сад̣̇д̇хам̣, бхигкавз, гулабуд̇д̇ам̣ ниссааяа анд̇ож̇ано имаахи бан̃жахи вад̣дхийхи вад̣дхад̇ий’’д̇и.
40. ‘‘Himavantaṃ, bhikkhave, pabbatarājaṃ nissāya mahāsālā pañcahi vaḍḍhīhi vaḍḍhanti. Katamāhi pañcahi? Sākhāpattapalāsena vaḍḍhanti; tacena vaḍḍhanti; papaṭikāya vaḍḍhanti; pheggunā vaḍḍhanti; sārena vaḍḍhanti. Himavantaṃ, bhikkhave, pabbatarājaṃ nissāya mahāsālā imāhi pañcahi vaḍḍhīhi vaḍḍhanti. Evamevaṃ kho, bhikkhave, saddhaṃ kulaputtaṃ nissāya antojano pañcahi vaḍḍhīhi vaḍḍhati. Katamāhi pañcahi? Saddhāya vaḍḍhati; sīlena vaḍḍhati; sutena vaḍḍhati; cāgena vaḍḍhati; paññāya vaḍḍhati. Saddhaṃ, bhikkhave, kulaputtaṃ nissāya antojano imāhi pañcahi vaḍḍhīhi vaḍḍhatī’’ti.
‘‘яат̇аа хи баб̣б̣ад̇о сзло, аран̃н̃асмим̣ б̣рахааванз;
‘‘Yathā hi pabbato selo, araññasmiṃ brahāvane;
д̇ам̣ ругкаа убаниссааяа, вад̣дханд̇з д̇з ванаббад̇ий.
Taṃ rukkhā upanissāya, vaḍḍhante te vanappatī.
‘‘д̇ат̇зва сийласамбаннам̣, сад̣̇д̇хам̣ гулабуд̇д̇ам̣ имам̣ 1;
‘‘Tatheva sīlasampannaṃ, saddhaṃ kulaputtaṃ imaṃ 2;
убаниссааяа вад̣дханд̇и, буд̇д̇ад̣̇аараа жа б̣анд̇хаваа;
Upanissāya vaḍḍhanti, puttadārā ca bandhavā;
амажжаа н̃аад̇исан̇гхаа жа, яз жасса ануж̇ийвино.
Amaccā ñātisaṅghā ca, ye cassa anujīvino.
‘‘д̇яасса сийлавад̇о сийлам̣, жааг̇ам̣ сужарид̇аани жа;
‘‘Tyassa sīlavato sīlaṃ, cāgaṃ sucaritāni ca;
бассамаанаанугуб̣б̣анд̇и, яз бхаванд̇и вижагкан̣аа.
Passamānānukubbanti, ye bhavanti vicakkhaṇā.
‘‘имам̣ д̇хаммам̣ жарид̇ваана, маг̇г̇ам̣ 3 суг̇ад̇иг̇ааминам̣;
‘‘Imaṃ dhammaṃ caritvāna, maggaṃ 4 sugatigāminaṃ;
нанд̣̇ино д̣̇звалогасмим̣, мод̣̇анд̇и гаамагаамино’’д̇и. д̣̇асамам̣;
Nandino devalokasmiṃ, modanti kāmakāmino’’ti. dasamaṃ;
суманаваг̇г̇о жад̇уд̇т̇о.
Sumanavaggo catuttho.
д̇ассуд̣̇д̣̇аанам̣ –
Tassuddānaṃ –
суманаа жунд̣̇ий уг̇г̇ахо, сийхо д̣̇аанаанисам̣саго;
Sumanā cundī uggaho, sīho dānānisaṃsako;
гаалабхож̇анасад̣̇д̇хаа жа, буд̇д̇асаалзхи д̇з д̣̇асаад̇и.
Kālabhojanasaddhā ca, puttasālehi te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. махаасаалабуд̇д̇асуд̇д̇аван̣н̣анаа • 10. Mahāsālaputtasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. буд̇д̇асуд̇д̇аад̣̇иван̣н̣анаа • 9-10. Puttasuttādivaṇṇanā
