| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၂၄၀. မဟာပိင္ဂလဇာတကံ (၂-၉-၁၀)
240. Mahāpiṅgalajātakaṃ (2-9-10)
၁၇၉.
179.
သဗ္ဗော ဇနော ဟိံသိတော ပိင္ဂလေန၊ တသ္မိံ မတေ ပစ္စယာ 1 ဝေဒယန္တိ။
Sabbo jano hiṃsito piṅgalena, tasmiṃ mate paccayā 2 vedayanti;
ပိယော နု တေ အာသိ အကဏ္ဟနေတ္တော၊ ကသ္မာ နု တ္ဝံ ရောဒသိ ဒ္ဝာရပာလ။
Piyo nu te āsi akaṇhanetto, kasmā nu tvaṃ rodasi dvārapāla.
၁၈၀.
180.
န မေ ပိယော အာသိ အကဏ္ဟနေတ္တော၊ ဘာယာမိ ပစ္စာဂမနာယ တသ္သ။
Na me piyo āsi akaṇhanetto, bhāyāmi paccāgamanāya tassa;
ဣတော ဂတော ဟိံသေယ္ယ မစ္စုရာဇံ၊ သော ဟိံသိတော အာနေယ္ယ ပုန ဣဓ။
Ito gato hiṃseyya maccurājaṃ, so hiṃsito āneyya puna idha.
၁၈၁.
181.
ဒဍ္ဎော ဝာဟသဟသ္သေဟိ၊ သိတ္တော ဃဋသတေဟိ သော။
Daḍḍho vāhasahassehi, sitto ghaṭasatehi so;
ပရိက္ခတာ စ သာ ဘူမိ၊ မာ ဘာယိ နာဂမိသ္သတီတိ။
Parikkhatā ca sā bhūmi, mā bhāyi nāgamissatīti.
မဟာပိင္ဂလဇာတကံ ဒသမံ။
Mahāpiṅgalajātakaṃ dasamaṃ.
ဥပာဟနဝဂ္ဂော နဝမော။
Upāhanavaggo navamo.
တသ္သုဒ္ဒာနံ –
Tassuddānaṃ –
ဝရုပာဟန ခုဇ္ဇ ဝိကဏ္ဏကကော၊ အသိတာဘုယ ပဉ္စမဝစ္ဆနခော။
Varupāhana khujja vikaṇṇakako, asitābhuya pañcamavacchanakho;
ဒိဇ ပေမဝရုတ္တမဧကပဒံ၊ ကုမိနာမုခ ပိင္ဂလကေန ဒသာတိ။
Dija pemavaruttamaekapadaṃ, kumināmukha piṅgalakena dasāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၂၄၀] ၁၀. မဟာပိင္ဂလဇာတကဝဏ္ဏနာ • [240] 10. Mahāpiṅgalajātakavaṇṇanā
