| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
២៤០. មហាបិង្គលជាតកំ (២-៩-១០)
240. Mahāpiṅgalajātakaṃ (2-9-10)
១៧៩.
179.
សព្ពោ ជនោ ហិំសិតោ បិង្គលេន, តស្មិំ មតេ បច្ចយា 1 វេទយន្តិ;
Sabbo jano hiṃsito piṅgalena, tasmiṃ mate paccayā 2 vedayanti;
បិយោ នុ តេ អាសិ អកណ្ហនេត្តោ, កស្មា នុ ត្វំ រោទសិ ទ្វារបាល។
Piyo nu te āsi akaṇhanetto, kasmā nu tvaṃ rodasi dvārapāla.
១៨០.
180.
ន មេ បិយោ អាសិ អកណ្ហនេត្តោ, ភាយាមិ បច្ចាគមនាយ តស្ស;
Na me piyo āsi akaṇhanetto, bhāyāmi paccāgamanāya tassa;
ឥតោ គតោ ហិំសេយ្យ មច្ចុរាជំ, សោ ហិំសិតោ អានេយ្យ បុន ឥធ។
Ito gato hiṃseyya maccurājaṃ, so hiṃsito āneyya puna idha.
១៨១.
181.
ទឌ្ឍោ វាហសហស្សេហិ, សិត្តោ ឃដសតេហិ សោ;
Daḍḍho vāhasahassehi, sitto ghaṭasatehi so;
បរិក្ខតា ច សា ភូមិ, មា ភាយិ នាគមិស្សតីតិ។
Parikkhatā ca sā bhūmi, mā bhāyi nāgamissatīti.
មហាបិង្គលជាតកំ ទសមំ។
Mahāpiṅgalajātakaṃ dasamaṃ.
ឧបាហនវគ្គោ នវមោ។
Upāhanavaggo navamo.
តស្សុទ្ទានំ –
Tassuddānaṃ –
វរុបាហន ខុជ្ជ វិកណ្ណកកោ, អសិតាភុយ បញ្ចមវច្ឆនខោ;
Varupāhana khujja vikaṇṇakako, asitābhuya pañcamavacchanakho;
ទិជ បេមវរុត្តមឯកបទំ, កុមិនាមុខ បិង្គលកេន ទសាតិ។
Dija pemavaruttamaekapadaṃ, kumināmukha piṅgalakena dasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [២៤០] ១០. មហាបិង្គលជាតកវណ្ណនា • [240] 10. Mahāpiṅgalajātakavaṇṇanā
