| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๒๔๐. มหาปิงฺคลชาตกํ (๒-๙-๑๐)
240. Mahāpiṅgalajātakaṃ (2-9-10)
๑๗๙.
179.
สโพฺพ ชโน หิํสิโต ปิงฺคเลน, ตสฺมิํ มเต ปจฺจยา 1 เวทยนฺติ;
Sabbo jano hiṃsito piṅgalena, tasmiṃ mate paccayā 2 vedayanti;
ปิโย นุ เต อาสิ อกณฺหเนโตฺต, กสฺมา นุ ตฺวํ โรทสิ ทฺวารปาลฯ
Piyo nu te āsi akaṇhanetto, kasmā nu tvaṃ rodasi dvārapāla.
๑๘๐.
180.
น เม ปิโย อาสิ อกณฺหเนโตฺต, ภายามิ ปจฺจาคมนาย ตสฺส;
Na me piyo āsi akaṇhanetto, bhāyāmi paccāgamanāya tassa;
อิโต คโต หิํเสยฺย มจฺจุราชํ, โส หิํสิโต อาเนยฺย ปุน อิธฯ
Ito gato hiṃseyya maccurājaṃ, so hiṃsito āneyya puna idha.
๑๘๑.
181.
ทโฑฺฒ วาหสหเสฺสหิ, สิโตฺต ฆฎสเตหิ โส;
Daḍḍho vāhasahassehi, sitto ghaṭasatehi so;
ปริกฺขตา จ สา ภูมิ, มา ภายิ นาคมิสฺสตีติฯ
Parikkhatā ca sā bhūmi, mā bhāyi nāgamissatīti.
มหาปิงฺคลชาตกํ ทสมํฯ
Mahāpiṅgalajātakaṃ dasamaṃ.
อุปาหนวโคฺค นวโมฯ
Upāhanavaggo navamo.
ตสฺสุทฺทานํ –
Tassuddānaṃ –
วรุปาหน ขุชฺช วิกณฺณกโก, อสิตาภุย ปญฺจมวจฺฉนโข;
Varupāhana khujja vikaṇṇakako, asitābhuya pañcamavacchanakho;
ทิช เปมวรุตฺตมเอกปทํ, กุมินามุข ปิงฺคลเกน ทสาติฯ
Dija pemavaruttamaekapadaṃ, kumināmukha piṅgalakena dasāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๒๔๐] ๑๐. มหาปิงฺคลชาตกวณฺณนา • [240] 10. Mahāpiṅgalajātakavaṇṇanā
