| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
২৪০. মহাপিঙ্গলজাতকং (২-৯-১০)
240. Mahāpiṅgalajātakaṃ (2-9-10)
১৭৯.
179.
সব্বো জনো হিংসিতো পিঙ্গলেন, তস্মিং মতে পচ্চযা 1 ৰেদযন্তি।
Sabbo jano hiṃsito piṅgalena, tasmiṃ mate paccayā 2 vedayanti;
পিযো নু তে আসি অকণ্হনেত্তো, কস্মা নু ত্ৰং রোদসি দ্ৰারপাল॥
Piyo nu te āsi akaṇhanetto, kasmā nu tvaṃ rodasi dvārapāla.
১৮০.
180.
ন মে পিযো আসি অকণ্হনেত্তো, ভাযামি পচ্চাগমনায তস্স।
Na me piyo āsi akaṇhanetto, bhāyāmi paccāgamanāya tassa;
ইতো গতো হিংসেয্য মচ্চুরাজং, সো হিংসিতো আনেয্য পুন ইধ॥
Ito gato hiṃseyya maccurājaṃ, so hiṃsito āneyya puna idha.
১৮১.
181.
দড্ঢো ৰাহসহস্সেহি, সিত্তো ঘটসতেহি সো।
Daḍḍho vāhasahassehi, sitto ghaṭasatehi so;
পরিক্খতা চ সা ভূমি, মা ভাযি নাগমিস্সতীতি॥
Parikkhatā ca sā bhūmi, mā bhāyi nāgamissatīti.
মহাপিঙ্গলজাতকং দসমং।
Mahāpiṅgalajātakaṃ dasamaṃ.
উপাহনৰগ্গো নৰমো।
Upāhanavaggo navamo.
তস্সুদ্দানং –
Tassuddānaṃ –
ৰরুপাহন খুজ্জ ৰিকণ্ণককো, অসিতাভুয পঞ্চমৰচ্ছনখো।
Varupāhana khujja vikaṇṇakako, asitābhuya pañcamavacchanakho;
দিজ পেমৰরুত্তমএকপদং, কুমিনামুখ পিঙ্গলকেন দসাতি॥
Dija pemavaruttamaekapadaṃ, kumināmukha piṅgalakena dasāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [২৪০] ১০. মহাপিঙ্গলজাতকৰণ্ণনা • [240] 10. Mahāpiṅgalajātakavaṇṇanā
