| Library / Tipiṭaka / ཏིཔིཊཀ • Tipiṭaka / པེཏཝཏྠུཔཱལི༹ • Petavatthupāḷi |
༩. མཧཱཔེསཀཱརཔེཏིཝཏྠུ
9. Mahāpesakārapetivatthu
༥༤.
54.
‘‘གཱུཐཉྩ མུཏྟཾ རུཧིརཉྩ པུབྦཾ, པརིབྷུཉྫཏི ཀིསྶ ཨཡཾ ཝིཔཱཀོ།
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
ཨཡཾ ནུ ཀིཾ ཀམྨམཀཱསི ནཱརཱི, ཡཱ སབྦདཱ ལོཧིཏཔུབྦབྷཀྑཱ༎
Ayaṃ nu kiṃ kammamakāsi nārī, yā sabbadā lohitapubbabhakkhā.
༥༥.
55.
‘‘ནཝཱནི ཝཏྠཱནི སུབྷཱནི ཙེཝ, མུདཱུནི སུདྡྷཱནི ཙ ལོམསཱནི།
‘‘Navāni vatthāni subhāni ceva, mudūni suddhāni ca lomasāni;
དིནྣཱནི མིསྶཱ ཀིཏཀཱ 1 བྷཝནྟི, ཨཡཾ ནུ ཀིཾ ཀམྨམཀཱསི ནཱརཱི’’ཏི༎
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
༥༦.
56.
‘‘བྷརིཡཱ མམེསཱ ཨཧཱུ བྷདནྟེ, ཨདཱཡིཀཱ མཙྪརིནཱི ཀདརིཡཱ།
‘‘Bhariyā mamesā ahū bhadante, adāyikā maccharinī kadariyā;
སཱ མཾ དདནྟཾ སམཎབྲཱཧྨཎཱནཾ, ཨཀྐོསཏི ཙ པརིབྷཱསཏི ཙ༎
Sā maṃ dadantaṃ samaṇabrāhmaṇānaṃ, akkosati ca paribhāsati ca.
༥༧.
57.
‘‘‘གཱུཐཉྩ མུཏྟཾ རུཧིརཉྩ པུབྦཾ, པརིབྷུཉྫ ཏྭཾ ཨསུཙིཾ སབྦཀཱལཾ།
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
ཨེཏཾ ཏེ པརལོཀསྨིཾ ཧོཏུ, ཝཏྠཱ ཙ ཏེ ཀིཊཀསམཱ བྷཝནྟུ’།
Etaṃ te paralokasmiṃ hotu, vatthā ca te kiṭakasamā bhavantu’;
ཨེཏཱདིསཾ དུཙྩརིཏཾ ཙརིཏྭཱ, ཨིདྷཱགཏཱ ཙིརརཏྟཱཡ ཁཱདཏཱི’’ཏི༎
Etādisaṃ duccaritaṃ caritvā, idhāgatā cirarattāya khādatī’’ti.
མཧཱཔེསཀཱརཔེཏིཝཏྠུ ནཝམཾ།
Mahāpesakārapetivatthu navamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པེཏཝཏྠུ-ཨཊྛཀཐཱ • Petavatthu-aṭṭhakathā / ༩. མཧཱཔེསཀཱརཔེཏིཝཏྠུཝཎྞནཱ • 9. Mahāpesakārapetivatthuvaṇṇanā
