| Library / Tipiṭaka / તિપિટક • Tipiṭaka / પેતવત્થુપાળિ • Petavatthupāḷi |
૯. મહાપેસકારપેતિવત્થુ
9. Mahāpesakārapetivatthu
૫૪.
54.
‘‘ગૂથઞ્ચ મુત્તં રુહિરઞ્ચ પુબ્બં, પરિભુઞ્જતિ કિસ્સ અયં વિપાકો;
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
અયં નુ કિં કમ્મમકાસિ નારી, યા સબ્બદા લોહિતપુબ્બભક્ખા.
Ayaṃ nu kiṃ kammamakāsi nārī, yā sabbadā lohitapubbabhakkhā.
૫૫.
55.
‘‘નવાનિ વત્થાનિ સુભાનિ ચેવ, મુદૂનિ સુદ્ધાનિ ચ લોમસાનિ;
‘‘Navāni vatthāni subhāni ceva, mudūni suddhāni ca lomasāni;
દિન્નાનિ મિસ્સા કિતકા 1 ભવન્તિ, અયં નુ કિં કમ્મમકાસિ નારી’’તિ.
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
૫૬.
56.
‘‘ભરિયા મમેસા અહૂ ભદન્તે, અદાયિકા મચ્છરિની કદરિયા;
‘‘Bhariyā mamesā ahū bhadante, adāyikā maccharinī kadariyā;
સા મં દદન્તં સમણબ્રાહ્મણાનં, અક્કોસતિ ચ પરિભાસતિ ચ.
Sā maṃ dadantaṃ samaṇabrāhmaṇānaṃ, akkosati ca paribhāsati ca.
૫૭.
57.
‘‘‘ગૂથઞ્ચ મુત્તં રુહિરઞ્ચ પુબ્બં, પરિભુઞ્જ ત્વં અસુચિં સબ્બકાલં;
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
એતં તે પરલોકસ્મિં હોતુ, વત્થા ચ તે કિટકસમા ભવન્તુ’;
Etaṃ te paralokasmiṃ hotu, vatthā ca te kiṭakasamā bhavantu’;
એતાદિસં દુચ્ચરિતં ચરિત્વા, ઇધાગતા ચિરરત્તાય ખાદતી’’તિ.
Etādisaṃ duccaritaṃ caritvā, idhāgatā cirarattāya khādatī’’ti.
મહાપેસકારપેતિવત્થુ નવમં.
Mahāpesakārapetivatthu navamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પેતવત્થુ-અટ્ઠકથા • Petavatthu-aṭṭhakathā / ૯. મહાપેસકારપેતિવત્થુવણ્ણના • 9. Mahāpesakārapetivatthuvaṇṇanā
