| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੭. ਮਹਾਨਾਮਸਿਕ੍ਖਾਪਦવਣ੍ਣਨਾ
7. Mahānāmasikkhāpadavaṇṇanā
ਪਣੀਤਭੋਜਨਸਿਕ੍ਖਾਪਦੇ ‘‘ਮਹਾਨਾਮਸਿਕ੍ਖਾਪਦੇਨ ਕਾਰੇਤਬ੍ਬੋ’’ਤਿ (ਕਙ੍ਖਾ॰ ਅਟ੍ਠ॰ ਪਣੀਤਭੋਜਨਸਿਕ੍ਖਾਪਦવਣ੍ਣਨਾ) ਯਂ વੁਤ੍ਤਂ, ਤਸ੍ਸਤ੍ਥੋ ਸਙ੍ਘવਸੇਨ ਪવਾਰਿਤੇ ਭੇਸਜ੍ਜਤ੍ਥਾਯ ਸਪ੍ਪਿਆਦਿਭੇਸਜ੍ਜਪਞ੍ਚਕਂ વਿਞ੍ਞਾਪੇਤਿ ਚੇ, ‘‘ਨਭੇਸਜ੍ਜੇਨ ਕਰਣੀਯੇਨ ਭੇਸਜ੍ਜਂ વਿਞ੍ਞਾਪੇਤੀ’’ਤਿ (ਪਾਚਿ॰ ੩੦੯) વਚਨੇਨ ਪਾਚਿਤ੍ਤਿਯਨ੍ਤਿ (વਜਿਰ॰ ਟੀ॰ ਪਾਚਿਤ੍ਤਿਯ ੩੧੦) ਲਿਖਿਤਂ। ‘‘ਤਯਾ ਇਮਿਨਾવ ਪવਾਰਿਤਮ੍ਹਾ, ਅਮ੍ਹਾਕਞ੍ਚ ਇਮਿਨਾ ਚ ਇਮਿਨਾ ਚ ਅਤ੍ਥੋ’’ਤਿ ਯਥਾਭੂਤਂ ਆਚਿਕ੍ਖਿਤ੍વਾ વਿਞ੍ਞਾਪੇਤੁਂ ਗਿਲਾਨੋવ ਲਭਤਿ, ਨ ਇਤਰੋਤਿ ਚ, ‘‘ਅਞ੍ਞਸ੍ਸ ਅਤ੍ਥਾਯਾ’’ਤਿ ਅਸ੍ਸ ਞਾਤਕਪ੍ਪવਾਰਿਤੇ, ਅਤ੍ਤਨੋ વਾ ਞਾਤਕਪ੍ਪવਾਰਿਤੇਤਿ ਅਤ੍ਥੋਤਿ ਚ, ‘‘ਅਪਰਿਯਨ੍ਤਪ੍ਪવਾਰਣਾਯ ਪવਾਰਿਤੇ’’ਤਿ ਸਙ੍ਘવਸੇਨ, ਪੁਗ੍ਗਲવਸੇਨ ਚ ਪવਾਰੇਤ੍વਾ ਦਾਯਕਾ। ਤਸ੍ਮਾ ‘‘ਸਙ੍ਘਪ੍ਪવਾਰਣਤਾ’’ਤਿ વਤ੍વਾ ‘‘ਪੁਗ੍ਗਲਪ੍ਪવਾਰਣਤਾ’’ਤਿ ਨ વੁਤ੍ਤਨ੍ਤਿ ਚ, ‘‘ਪਰਿਯਨ੍ਤਾਤਿਕ੍ਕਮੋ’’ਤਿ વਚਨੇਨ ਗਿਲਾਨੋ ਗਹਿਤੋ, ਤਸ੍ਮਾ ‘‘ਗਿਲਾਨਾਗਿਲਾਨਤਾ’’ਤਿ ਨ વੁਤ੍ਤਂ। ਏવਂ ਸਨ੍ਤੇਪਿ ‘‘ਸਙ੍ਘਪ੍ਪવਾਰਣਾਯ ਪવਾਰਣਤਾ’’ਤਿ ਪਾਠੋਤਿ ਚ ਲਿਖਿਤਂ, વੀਮਂਸਿਤਬ੍ਬਂ।
Paṇītabhojanasikkhāpade ‘‘mahānāmasikkhāpadena kāretabbo’’ti (kaṅkhā. aṭṭha. paṇītabhojanasikkhāpadavaṇṇanā) yaṃ vuttaṃ, tassattho saṅghavasena pavārite bhesajjatthāya sappiādibhesajjapañcakaṃ viññāpeti ce, ‘‘nabhesajjena karaṇīyena bhesajjaṃ viññāpetī’’ti (pāci. 309) vacanena pācittiyanti (vajira. ṭī. pācittiya 310) likhitaṃ. ‘‘Tayā imināva pavāritamhā, amhākañca iminā ca iminā ca attho’’ti yathābhūtaṃ ācikkhitvā viññāpetuṃ gilānova labhati, na itaroti ca, ‘‘aññassa atthāyā’’ti assa ñātakappavārite, attano vā ñātakappavāriteti atthoti ca, ‘‘apariyantappavāraṇāya pavārite’’ti saṅghavasena, puggalavasena ca pavāretvā dāyakā. Tasmā ‘‘saṅghappavāraṇatā’’ti vatvā ‘‘puggalappavāraṇatā’’ti na vuttanti ca, ‘‘pariyantātikkamo’’ti vacanena gilāno gahito, tasmā ‘‘gilānāgilānatā’’ti na vuttaṃ. Evaṃ santepi ‘‘saṅghappavāraṇāya pavāraṇatā’’ti pāṭhoti ca likhitaṃ, vīmaṃsitabbaṃ.
ਮਹਾਨਾਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Mahānāmasikkhāpadavaṇṇanā niṭṭhitā.
