| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
౭. మహానామసిక్ఖాపదవణ్ణనా
7. Mahānāmasikkhāpadavaṇṇanā
౩౦౩. సత్తమే మహానామోతి సుక్కోదనస్స పుత్తో అనురుద్ధత్థేరస్స, సత్థు చ జేట్ఠభాతా. ఆనన్దత్థేరో అమితోదనస్స పుత్తో, నన్దత్థేరో పన సుద్ధోదనస్సేవ.
303. Sattame mahānāmoti sukkodanassa putto anuruddhattherassa, satthu ca jeṭṭhabhātā. Ānandatthero amitodanassa putto, nandatthero pana suddhodanasseva.
౩౦౫. పాళియం కాలం ఆహరిస్సథాతి అజ్జతనం కాలం వీతినామేస్సథ, స్వే భేసజ్జం హరిస్సథాతి వా అత్థో. ‘‘అత్థి పవారణా భేసజ్జపరియన్తా చ రత్తిపరియన్తా చా’’తి తతియకోట్ఠాసే నియమితమేవ భేసజ్జం నియమితకాలన్తరేయేవ గహేతబ్బం, న తతో బహి. ఇతరథా విసుం పయోజనం నత్థీతి దట్ఠబ్బం. సపరియన్తా సఙ్ఘపవారణా, తదుత్తరి భేసజ్జవిఞ్ఞత్తి, అగిలానతాతి ఇమానేత్థ తీణి అఙ్గాని.
305. Pāḷiyaṃ kālaṃ āharissathāti ajjatanaṃ kālaṃ vītināmessatha, sve bhesajjaṃ harissathāti vā attho. ‘‘Atthi pavāraṇā bhesajjapariyantā ca rattipariyantā cā’’ti tatiyakoṭṭhāse niyamitameva bhesajjaṃ niyamitakālantareyeva gahetabbaṃ, na tato bahi. Itarathā visuṃ payojanaṃ natthīti daṭṭhabbaṃ. Sapariyantā saṅghapavāraṇā, taduttari bhesajjaviññatti, agilānatāti imānettha tīṇi aṅgāni.
మహానామసిక్ఖాపదవణ్ణనా నిట్ఠితా.
Mahānāmasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౫. అచేలకవగ్గో • 5. Acelakavaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౭. మహానామసిక్ఖాపదవణ్ణనా • 7. Mahānāmasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౭. మహానామసిక్ఖాపదవణ్ణనా • 7. Mahānāmasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౭. మహానామసిక్ఖాపదం • 7. Mahānāmasikkhāpadaṃ
