| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. махаанаамасаггасуд̇д̇ам̣
3. Mahānāmasakkasuttaṃ
74. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна бхаг̇аваа г̇илаанаавудтид̇о 1 ход̇и ажиравудтид̇о г̇злан̃н̃аа. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа – ‘‘д̣̇ийгхарад̇д̇аахам̣, бханд̇з, бхаг̇авад̇аа звам̣ д̇хаммам̣ д̣̇зсид̇ам̣ ааж̇аанаами – ‘самаахид̇асса н̃аан̣ам̣, но асамаахид̇ассаа’д̇и. самаад̇хи ну ко, бханд̇з, буб̣б̣з, бажчаа н̃аан̣ам̣; уд̣̇ааху н̃аан̣ам̣ буб̣б̣з, бажчаа самаад̇хий’’д̇и? ат̇а ко ааяасмад̇о аананд̣̇асса зд̇ад̣̇ахоси – ‘‘бхаг̇аваа ко г̇илаанавудтид̇о ажиравудтид̇о г̇злан̃н̃аа . аяан̃жа махаанаамо сагго бхаг̇аванд̇ам̣ ад̇иг̇амбхийрам̣ бан̃хам̣ бужчад̇и. яам̣нуунаахам̣ махаанаамам̣ саггам̣ згаманд̇ам̣ абанзд̇ваа д̇хаммам̣ д̣̇зсзяяа’’нд̇и.
74. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ nigrodhārāme. Tena kho pana samayena bhagavā gilānāvuṭṭhito 2 hoti aciravuṭṭhito gelaññā. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘dīgharattāhaṃ, bhante, bhagavatā evaṃ dhammaṃ desitaṃ ājānāmi – ‘samāhitassa ñāṇaṃ, no asamāhitassā’ti. Samādhi nu kho, bhante, pubbe, pacchā ñāṇaṃ; udāhu ñāṇaṃ pubbe, pacchā samādhī’’ti? Atha kho āyasmato ānandassa etadahosi – ‘‘bhagavā kho gilānavuṭṭhito aciravuṭṭhito gelaññā . Ayañca mahānāmo sakko bhagavantaṃ atigambhīraṃ pañhaṃ pucchati. Yaṃnūnāhaṃ mahānāmaṃ sakkaṃ ekamantaṃ apanetvā dhammaṃ deseyya’’nti.
ат̇а ко ааяасмаа аананд̣̇о махаанаамам̣ саггам̣ б̣аахааяам̣ г̇ахзд̇ваа згаманд̇ам̣ абанзд̇ваа махаанаамам̣ саггам̣ зд̇ад̣̇авожа – ‘‘сзкамби ко, махаанаама, сийлам̣ вуд̇д̇ам̣ бхаг̇авад̇аа, асзкамби сийлам̣ вуд̇д̇ам̣ бхаг̇авад̇аа; сзкоби самаад̇хи вуд̇д̇о бхаг̇авад̇аа , асзкоби самаад̇хи вуд̇д̇о бхаг̇авад̇аа; сзкааби бан̃н̃аа вуд̇д̇аа бхаг̇авад̇аа, асзкааби бан̃н̃аа вуд̇д̇аа бхаг̇авад̇аа. гад̇аман̃жа, махаанаама , сзкам̣ сийлам̣? ид̇ха, махаанаама, бхигку сийлаваа ход̇и баад̇имогкасам̣варасам̣вуд̇о вихарад̇и…бз… самаад̣̇ааяа сигкад̇и сигкаабад̣̇зсу. ид̣̇ам̣ вужжад̇и, махаанаама, сзкам̣ сийлам̣’’.
Atha kho āyasmā ānando mahānāmaṃ sakkaṃ bāhāyaṃ gahetvā ekamantaṃ apanetvā mahānāmaṃ sakkaṃ etadavoca – ‘‘sekhampi kho, mahānāma, sīlaṃ vuttaṃ bhagavatā, asekhampi sīlaṃ vuttaṃ bhagavatā; sekhopi samādhi vutto bhagavatā , asekhopi samādhi vutto bhagavatā; sekhāpi paññā vuttā bhagavatā, asekhāpi paññā vuttā bhagavatā. Katamañca, mahānāma , sekhaṃ sīlaṃ? Idha, mahānāma, bhikkhu sīlavā hoti pātimokkhasaṃvarasaṃvuto viharati…pe… samādāya sikkhati sikkhāpadesu. Idaṃ vuccati, mahānāma, sekhaṃ sīlaṃ’’.
‘‘гад̇амо жа, махаанаама, сзко самаад̇хи? ид̇ха, махаанаама, бхигку вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, махаанаама, сзко самаад̇хи.
‘‘Katamo ca, mahānāma, sekho samādhi? Idha, mahānāma, bhikkhu vivicceva kāmehi…pe… catutthaṃ jhānaṃ upasampajja viharati. Ayaṃ vuccati, mahānāma, sekho samādhi.
‘‘гад̇амаа жа, махаанаама, сзкаа бан̃н̃аа? ид̇ха, махаанаама, бхигку ид̣̇ам̣ д̣̇угканд̇и яат̇аабхууд̇ам̣ баж̇аанаад̇и…бз… аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. аяам̣ вужжад̇и, махаанаама, сзкаа бан̃н̃аа.
‘‘Katamā ca, mahānāma, sekhā paññā? Idha, mahānāma, bhikkhu idaṃ dukkhanti yathābhūtaṃ pajānāti…pe… ayaṃ dukkhanirodhagāminī paṭipadāti yathābhūtaṃ pajānāti. Ayaṃ vuccati, mahānāma, sekhā paññā.
‘‘са ко со, махаанаама, арияасааваго звам̣ сийласамбанно звам̣ самаад̇хисамбанно звам̣ бан̃н̃аасамбанно аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. звам̣ ко, махаанаама, сзкамби сийлам̣ вуд̇д̇ам̣ бхаг̇авад̇аа, асзкамби сийлам̣ вуд̇д̇ам̣ бхаг̇авад̇аа; сзкоби самаад̇хи вуд̇д̇о бхаг̇авад̇аа, асзкоби самаад̇хи вуд̇д̇о бхаг̇авад̇аа; сзкааби бан̃н̃аа вуд̇д̇аа бхаг̇авад̇аа, асзкааби бан̃н̃аа вуд̇д̇аа бхаг̇авад̇аа’’д̇и. д̇ад̇ияам̣.
‘‘Sa kho so, mahānāma, ariyasāvako evaṃ sīlasampanno evaṃ samādhisampanno evaṃ paññāsampanno āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ kho, mahānāma, sekhampi sīlaṃ vuttaṃ bhagavatā, asekhampi sīlaṃ vuttaṃ bhagavatā; sekhopi samādhi vutto bhagavatā, asekhopi samādhi vutto bhagavatā; sekhāpi paññā vuttā bhagavatā, asekhāpi paññā vuttā bhagavatā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. махаанаамасаггасуд̇д̇аван̣н̣анаа • 3. Mahānāmasakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. махаанаамасаггасуд̇д̇аван̣н̣анаа • 3. Mahānāmasakkasuttavaṇṇanā
