| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. མཧཱལིསུཏྟཝཎྞནཱ
3. Mahālisuttavaṇṇanā
༢༥༩. སོཏི སཀྐོ དེཝརཱཛཱ། བཧུཝཙནེ ཝཏྟབྦེ ཨེཀཝཙནཾ ཝུཏྟཾ། ཝུཙྩཏཱིཏི ཝཙནཾ, ཨཏྠོ། ཏསྨཱ བཧུཝཙནེཏི བཧུམྷི ཨཏྠེཏི ཨཏྠོ ། ཡཐཱ པཊིཔཛྫནྟོ ཨནུཀྐམེན ཏེ དྷམྨེ སམཱདིཡིཏྭཱ སཀྐོ སཀྐཏྟཾ ཨཛ྄ཛྷགཱ, ཏཾ པཊིཔཏྟིཾ དསྶེཏུཾ ‘‘སཀྐོ ཀིརཱ’’ཏིཨཱདི ཝུཏྟཾ། ཨནནྟརེཏི སཀྐབྷཱཝསྶ ཨཏཱིཏཱནནྟརེ ཨཏྟབྷཱཝེ། ཏཾ སབྦནྟི སཀྐསྶ མགྷམཱཎཝཀཱལེ སམྨཱཔཊིཔཏྟིཾ, ཏཱཡ སཀྐབྷཱཝཱུཔགམནཉྩཱཏི ཏཾ སབྦཾ། ཝུཏྟོ, ཏསྨཱ ཏཏྠ ཝུཏྟནཡེནེཝ ཝེདིཏབྦོཏི ཨདྷིཔྤཱཡོ།
259.Soti sakko devarājā. Bahuvacane vattabbe ekavacanaṃ vuttaṃ. Vuccatīti vacanaṃ, attho. Tasmā bahuvacaneti bahumhi attheti attho . Yathā paṭipajjanto anukkamena te dhamme samādiyitvā sakko sakkattaṃ ajjhagā, taṃ paṭipattiṃ dassetuṃ ‘‘sakko kirā’’tiādi vuttaṃ. Anantareti sakkabhāvassa atītānantare attabhāve. Taṃ sabbanti sakkassa maghamāṇavakāle sammāpaṭipattiṃ, tāya sakkabhāvūpagamanañcāti taṃ sabbaṃ. Vutto, tasmā tattha vuttanayeneva veditabboti adhippāyo.
མཧཱལིསུཏྟཝཎྞནཱ ནིཊྛིཏཱ།
Mahālisuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. མཧཱལིསུཏྟཾ • 3. Mahālisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. མཧཱལིསུཏྟཝཎྞནཱ • 3. Mahālisuttavaṇṇanā
