| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਮਹਕਪਾਟਿਹਾਰਿਯਸੁਤ੍ਤવਣ੍ਣਨਾ
4. Mahakapāṭihāriyasuttavaṇṇanā
੩੪੬. ਤੇਸਂ ਅਨੁਜਾਨਨ੍ਤੋਤਿ ਤੇਸਂ ਦਾਸਕਮ੍ਮਕਰਾਨਂ ਸੇਸਕੇ ਯਥਾਰੁਚਿ વਿਚਾਰਣਂ ਅਨੁਜਾਨਨ੍ਤੋ। ਕੁਧਿਤਨ੍ਤਿ ਬਲવਤਾ ਸੂਰਿਯਸਨ੍ਤਾਪੇਨ ਸਙ੍ਕੁਥਿਤਂ । ਤੇਨਾਹ ‘‘ਹੇਟ੍ਠਾ’’ਤਿਆਦਿ। ਅਤਿਤਿਖਿਣਨ੍ਤਿ ਅਤਿવਿਯ ਤਿਕ੍ਖਧਾਤੁਕਂ। ਅਸਮ੍ਭਿਨ੍ਨਪਦਨ੍ਤਿ ਅਞ੍ਞਤ੍ਥ ਅਨਾਗਤਤ੍ਤਾ ਤਿਪਿਟਕੇ ਅવੋਮਿਸ੍ਸਕਪਦਂ, ਇਧੇવ ਆਗਤਪਦਨ੍ਤਿ ਅਤ੍ਥੋ। ਪਟਿਲੀਯਮਾਨੇਨਾਤਿ ਪਟਿਕਂਸੇਨ વਿਸੇਸਨੇਨ વਿਲੀਯਮਾਨੇਨ ਕਾਯੇਨ।
346.Tesaṃ anujānantoti tesaṃ dāsakammakarānaṃ sesake yathāruci vicāraṇaṃ anujānanto. Kudhitanti balavatā sūriyasantāpena saṅkuthitaṃ . Tenāha ‘‘heṭṭhā’’tiādi. Atitikhiṇanti ativiya tikkhadhātukaṃ. Asambhinnapadanti aññattha anāgatattā tipiṭake avomissakapadaṃ, idheva āgatapadanti attho. Paṭilīyamānenāti paṭikaṃsena visesanena vilīyamānena kāyena.
ਏਤ੍ਥ ਚਾਤਿ ਏਤਸ੍ਮਿਂ ਅਧਿਟ੍ਠਾਨਿਦ੍ਧਿਕਰਣੇ। ਅਬ੍ਭਮਣ੍ਡਪਂ ਕਤ੍વਾਤਿ ਸਮਨ੍ਤਤੋ ਛਾਦਨવਸੇਨ ਮਣ੍ਡਪਂ વਿਯ ਮੇਘਪਟਲਂ ਉਪ੍ਪਾਦੇਤ੍વਾ। ਦੇવੋਤਿ ਮੇਘੋ। ਏਕਮੇਕਂ ਫੁਸਿਤਕਂ ਫੁਸਾਯਤੁ ਜਾਲવਿਨਦ੍ਧਂ વਿਯ વਸ੍ਸਤੁ। ਏવਂ વੁਤ੍ਤਪ੍ਪਕਾਰੇਨ ਨਾਨਾਪਰਿਕਮ੍ਮਂ ਨਾਨਾਧਿਟ੍ਠਾਨਂ ਏਕਤੋ ਪਰਿਕਮ੍ਮਂ ਏਕਤੋ ਅਧਿਟ੍ਠਾਨਨ੍ਤਿ ਚਤੁਕ੍ਕਮੇਤ੍ਥ ਸਮ੍ਭવਤੀਤਿ ਦਸ੍ਸੇਤਿ ‘‘ਏਤ੍ਥ ਚਾ’’ਤਿਆਦਿਨਾ। ਯਥਾ ਤਥਾਤਿ ਯਥਾવੁਤ੍ਤੇਸੁ ਚਤੂਸੁ ਪਕਾਰੇਸੁ ਯੇਨ વਾ ਤੇਨ વਾ ਪਕਾਰੇਨ ਕਰੋਨ੍ਤਸ੍ਸ। ਕਤਪਰਿਕਮ੍ਮਸ੍ਸਾਤਿ ‘‘ਏવਂ વਾ ਏવਂ વਾ ਹੋਤੂ’’ਤਿ ਪવਤ੍ਤਿਤਪਰਿਕਮ੍ਮਚਿਤ੍ਤਸ੍ਸ। ‘‘ਪਰਿਕਮ੍ਮਾਨਨ੍ਤਰੇਨਾਤਿ ਅਧਿਟ੍ਠਾਨਚਿਤ੍ਤੁਪ੍ਪਾਦਨਤ੍ਥਂ ਸਮਾਪਨ੍ਨਪਾਦਕਜ੍ਝਾਨਤੋ વੁਟ੍ਠਾਯ ਅਧਿਟ੍ਠਾਨਚਿਤ੍ਤਸ੍ਸ ਏਕਾવਜ੍ਜਨવੀਥਿਯਂ ਪવਤ੍ਤਪਰਿਕਮ੍ਮਂ ਸਨ੍ਧਾਯ વੁਤ੍ਤ’’ਨ੍ਤਿ વਦਨ੍ਤਿ।
Ettha cāti etasmiṃ adhiṭṭhāniddhikaraṇe. Abbhamaṇḍapaṃ katvāti samantato chādanavasena maṇḍapaṃ viya meghapaṭalaṃ uppādetvā. Devoti megho. Ekamekaṃ phusitakaṃ phusāyatu jālavinaddhaṃ viya vassatu. Evaṃ vuttappakārena nānāparikammaṃ nānādhiṭṭhānaṃ ekato parikammaṃ ekato adhiṭṭhānanti catukkamettha sambhavatīti dasseti ‘‘ettha cā’’tiādinā. Yathā tathāti yathāvuttesu catūsu pakāresu yena vā tena vā pakārena karontassa. Kataparikammassāti ‘‘evaṃ vā evaṃ vā hotū’’ti pavattitaparikammacittassa. ‘‘Parikammānantarenāti adhiṭṭhānacittuppādanatthaṃ samāpannapādakajjhānato vuṭṭhāya adhiṭṭhānacittassa ekāvajjanavīthiyaṃ pavattaparikammaṃ sandhāya vutta’’nti vadanti.
ਮਹਕਪਾਟਿਹਾਰਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahakapāṭihāriyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਮਹਕਪਾਟਿਹਾਰਿਯਸੁਤ੍ਤਂ • 4. Mahakapāṭihāriyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਮਹਕਪਾਟਿਹਾਰਿਯਸੁਤ੍ਤવਣ੍ਣਨਾ • 4. Mahakapāṭihāriyasuttavaṇṇanā
