| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಮಹಕಪಾಟಿಹಾರಿಯಸುತ್ತವಣ್ಣನಾ
4. Mahakapāṭihāriyasuttavaṇṇanā
೩೪೬. ತೇಸಂ ಅನುಜಾನನ್ತೋತಿ ತೇಸಂ ದಾಸಕಮ್ಮಕರಾನಂ ಸೇಸಕೇ ಯಥಾರುಚಿ ವಿಚಾರಣಂ ಅನುಜಾನನ್ತೋ। ಕುಧಿತನ್ತಿ ಬಲವತಾ ಸೂರಿಯಸನ್ತಾಪೇನ ಸಙ್ಕುಥಿತಂ । ತೇನಾಹ ‘‘ಹೇಟ್ಠಾ’’ತಿಆದಿ। ಅತಿತಿಖಿಣನ್ತಿ ಅತಿವಿಯ ತಿಕ್ಖಧಾತುಕಂ। ಅಸಮ್ಭಿನ್ನಪದನ್ತಿ ಅಞ್ಞತ್ಥ ಅನಾಗತತ್ತಾ ತಿಪಿಟಕೇ ಅವೋಮಿಸ್ಸಕಪದಂ, ಇಧೇವ ಆಗತಪದನ್ತಿ ಅತ್ಥೋ। ಪಟಿಲೀಯಮಾನೇನಾತಿ ಪಟಿಕಂಸೇನ ವಿಸೇಸನೇನ ವಿಲೀಯಮಾನೇನ ಕಾಯೇನ।
346.Tesaṃ anujānantoti tesaṃ dāsakammakarānaṃ sesake yathāruci vicāraṇaṃ anujānanto. Kudhitanti balavatā sūriyasantāpena saṅkuthitaṃ . Tenāha ‘‘heṭṭhā’’tiādi. Atitikhiṇanti ativiya tikkhadhātukaṃ. Asambhinnapadanti aññattha anāgatattā tipiṭake avomissakapadaṃ, idheva āgatapadanti attho. Paṭilīyamānenāti paṭikaṃsena visesanena vilīyamānena kāyena.
ಏತ್ಥ ಚಾತಿ ಏತಸ್ಮಿಂ ಅಧಿಟ್ಠಾನಿದ್ಧಿಕರಣೇ। ಅಬ್ಭಮಣ್ಡಪಂ ಕತ್ವಾತಿ ಸಮನ್ತತೋ ಛಾದನವಸೇನ ಮಣ್ಡಪಂ ವಿಯ ಮೇಘಪಟಲಂ ಉಪ್ಪಾದೇತ್ವಾ। ದೇವೋತಿ ಮೇಘೋ। ಏಕಮೇಕಂ ಫುಸಿತಕಂ ಫುಸಾಯತು ಜಾಲವಿನದ್ಧಂ ವಿಯ ವಸ್ಸತು। ಏವಂ ವುತ್ತಪ್ಪಕಾರೇನ ನಾನಾಪರಿಕಮ್ಮಂ ನಾನಾಧಿಟ್ಠಾನಂ ಏಕತೋ ಪರಿಕಮ್ಮಂ ಏಕತೋ ಅಧಿಟ್ಠಾನನ್ತಿ ಚತುಕ್ಕಮೇತ್ಥ ಸಮ್ಭವತೀತಿ ದಸ್ಸೇತಿ ‘‘ಏತ್ಥ ಚಾ’’ತಿಆದಿನಾ। ಯಥಾ ತಥಾತಿ ಯಥಾವುತ್ತೇಸು ಚತೂಸು ಪಕಾರೇಸು ಯೇನ ವಾ ತೇನ ವಾ ಪಕಾರೇನ ಕರೋನ್ತಸ್ಸ। ಕತಪರಿಕಮ್ಮಸ್ಸಾತಿ ‘‘ಏವಂ ವಾ ಏವಂ ವಾ ಹೋತೂ’’ತಿ ಪವತ್ತಿತಪರಿಕಮ್ಮಚಿತ್ತಸ್ಸ। ‘‘ಪರಿಕಮ್ಮಾನನ್ತರೇನಾತಿ ಅಧಿಟ್ಠಾನಚಿತ್ತುಪ್ಪಾದನತ್ಥಂ ಸಮಾಪನ್ನಪಾದಕಜ್ಝಾನತೋ ವುಟ್ಠಾಯ ಅಧಿಟ್ಠಾನಚಿತ್ತಸ್ಸ ಏಕಾವಜ್ಜನವೀಥಿಯಂ ಪವತ್ತಪರಿಕಮ್ಮಂ ಸನ್ಧಾಯ ವುತ್ತ’’ನ್ತಿ ವದನ್ತಿ।
Ettha cāti etasmiṃ adhiṭṭhāniddhikaraṇe. Abbhamaṇḍapaṃ katvāti samantato chādanavasena maṇḍapaṃ viya meghapaṭalaṃ uppādetvā. Devoti megho. Ekamekaṃ phusitakaṃ phusāyatu jālavinaddhaṃ viya vassatu. Evaṃ vuttappakārena nānāparikammaṃ nānādhiṭṭhānaṃ ekato parikammaṃ ekato adhiṭṭhānanti catukkamettha sambhavatīti dasseti ‘‘ettha cā’’tiādinā. Yathā tathāti yathāvuttesu catūsu pakāresu yena vā tena vā pakārena karontassa. Kataparikammassāti ‘‘evaṃ vā evaṃ vā hotū’’ti pavattitaparikammacittassa. ‘‘Parikammānantarenāti adhiṭṭhānacittuppādanatthaṃ samāpannapādakajjhānato vuṭṭhāya adhiṭṭhānacittassa ekāvajjanavīthiyaṃ pavattaparikammaṃ sandhāya vutta’’nti vadanti.
ಮಹಕಪಾಟಿಹಾರಿಯಸುತ್ತವಣ್ಣನಾ ನಿಟ್ಠಿತಾ।
Mahakapāṭihāriyasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಮಹಕಪಾಟಿಹಾರಿಯಸುತ್ತಂ • 4. Mahakapāṭihāriyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಮಹಕಪಾಟಿಹಾರಿಯಸುತ್ತವಣ್ಣನಾ • 4. Mahakapāṭihāriyasuttavaṇṇanā
