| Library / Tipiṭaka / တိပိဋက • Tipiṭaka / ထေရဂာထာပာဠိ • Theragāthāpāḷi |
၆. မဟာကာဠတ္ထေရဂာထာ
6. Mahākāḷattheragāthā
၁၅၁.
151.
‘‘ကာဠီ ဣတ္ထီ ဗ္ရဟတီ ဓင္ကရူပာ၊ သတ္ထိဉ္စ ဘေတ္ဝာ အပရဉ္စ သတ္ထိံ။
‘‘Kāḷī itthī brahatī dhaṅkarūpā, satthiñca bhetvā aparañca satthiṃ;
ဗာဟဉ္စ ဘေတ္ဝာ အပရဉ္စ ဗာဟံ၊ သီသဉ္စ ဘေတ္ဝာ ဒဓိထာလကံဝ။
Bāhañca bhetvā aparañca bāhaṃ, sīsañca bhetvā dadhithālakaṃva;
ဧသာ နိသိန္နာ အဘိသန္ဒဟိတ္ဝာ။
Esā nisinnā abhisandahitvā.
၁၅၂.
152.
‘‘ယော ဝေ အဝိဒ္ဝာ ဥပဓိံ ကရောတိ၊ ပုနပ္ပုနံ ဒုက္ခမုပေတိ မန္ဒော။
‘‘Yo ve avidvā upadhiṃ karoti, punappunaṃ dukkhamupeti mando;
တသ္မာ ပဇာနံ ဥပဓိံ န ကယိရာ၊ မာဟံ ပုန ဘိန္နသိရော သယိသ္သ’’န္တိ 1။
Tasmā pajānaṃ upadhiṃ na kayirā, māhaṃ puna bhinnasiro sayissa’’nti 2.
။ မဟာကာဠော ထေရော။။
… Mahākāḷo thero….
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရဂာထာ-အဋ္ဌကထာ • Theragāthā-aṭṭhakathā / ၆. မဟာကာဠတ္ထေရဂာထာဝဏ္ဏနာ • 6. Mahākāḷattheragāthāvaṇṇanā
