| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. மஹத்³த⁴னஸுத்தவண்ணனா
8. Mahaddhanasuttavaṇṇanā
28. அட்ட²மே நிதா⁴னக³தங் முத்தஸாராதி³ மஹந்தங் த⁴னமேதேஸந்தி மஹத்³த⁴னா. ஸுவண்ணரஜதபா⁴ஜனாதி³ மஹாபோ⁴கோ³ ஏதேஸந்தி மஹாபோ⁴கா³. அஞ்ஞமஞ்ஞாபி⁴கி³ஜ்ஜ²ந்தீதி அஞ்ஞமஞ்ஞங் அபி⁴கி³ஜ்ஜ²ந்தி பத்தெ²ந்தி பிஹெந்தி. அனலங்கதாதி அதித்தா அபரியத்தஜாதா. உஸ்ஸுக்கஜாதேஸூதி நானாகிச்சஜாதேஸு அனுப்பன்னானங் ரூபாதீ³னங் உப்பாத³னத்தா²ய உப்பன்னானங் அனுப⁴வனத்தா²ய உஸ்ஸுக்கேஸு. ப⁴வஸோதானுஸாரீஸூதி வட்டஸோதங் அனுஸரந்தேஸு. அனுஸ்ஸுகாதி அவாவடா. அகா³ரந்தி மாதுகா³மேன ஸத்³தி⁴ங் கே³ஹங். விராஜியாதி விராஜெத்வா. ஸேஸங் உத்தானமேவாதி. அட்ட²மங்.
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. மஹத்³த⁴னஸுத்தங் • 8. Mahaddhanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. மஹத்³த⁴னஸுத்தவண்ணனா • 8. Mahaddhanasuttavaṇṇanā
